കോട്ടോപ്പാടം : ലോക പരിസ്ഥിതി ദിനാചരണത്തോടനുബന്ധിച്ച് കോട്ടോപ്പാടം പുറ്റാനിക്കാട് വന സംരക്ഷണസേനയുടെ നേതൃത്വ ത്തില്‍ പാതയോരങ്ങളില്‍ വൃക്ഷതൈകള്‍ നട്ടുപിടിപ്പിച്ചു. പ്ലാവ് ,മാവ്, ഉങ്ങ് തുടങ്ങിയ 100 ലധികം തണല്‍ മരങ്ങള്‍ നട്ടു. കഴിഞ്ഞ വര്‍ഷം കാട്ടുതീ സംരക്ഷണവുമായി ബന്ധപ്പെട്ട് വനം വകുപ്പും പുറ്റാനിക്കാട് സന്തോഷ് ലൈബ്രറിയും സംയുക്തമായി രൂപീകരിച്ച ഈ കൂട്ടായ്മ വന സംരക്ഷണവുമായി ബന്ധപ്പെട്ട വിഷയങ്ങളില്‍ സജീവമാണ് .രണ്ട് ഘട്ടമായി പരിശീനം ലഭിച്ച 25 അംഗ സേന സാമൂഹിക വിഷയങ്ങളിലും ഇടപെടുന്നുണ്ട്.സേനാ കോ-ഓര്‍ഡി നേറ്ററും പരിസ്ഥിതി പ്രവത്തകനുമായ സി.മൊയ്തീന്‍ കുട്ടി വൃക്ഷ നട്ടു ഉദ്ഘാടനം ചെയ്തു.മുഹമ്മദ് സാനിജ്,സിറാജ് മുഹമ്മദ് മിന്‍ഷാദ് റാശിദ് കൊടുവാളി കുന്നത്ത് ഉസ്മാന്‍ എന്നിവര്‍ സംബന്ധിച്ചു.