കുമരംപുത്തൂര്: ഗണിതശാസ്ത്രമേള നടക്കുന്ന കല്ലടി ഹയര്സെക്കന്ഡറി സ്കൂളിലേക്ക് എത്തിയ മന്ത്രിമാരായ എന്. ഷംസുദ്ദീന്റെയും ഷിബു ബേബി ജോണിന്റെയും മുന്നിലേക്ക് വിദ്യാര്ഥികള് ഒരു ചെറിയ പ്ലാസ്റ്റിക് പെട്ടി നീട്ടി. റോഡ് ഗതാഗതവുമായി ബന്ധപ്പെട്ട ചോദ്യ ങ്ങളായിരുന്നു അതിലുണ്ടായിരുന്നത്. ഇതിലൊന്ന് എടുത്ത് ഉത്തരം നല്കാമോ എന്ന് കുട്ടികള് ചോദിച്ചപ്പോള്, സന്തോഷത്തോടെ അതിന് തയാറായ മന്ത്രിമാര് ഓരോ ചോദ്യക്കടലാസുകള് എടുത്തു.
ആദ്യം ഉത്തരം പറയാനുള്ള ഊഴം പൊതുവിദ്യാഭ്യാസ വകുപ്പ് മന്ത്രി എന്.ഷംസുദ്ദീനാണ് ലഭി ച്ചത്.നടപ്പാതയില്ലാത്ത റോഡിലൂടെ കാല്നടയാത്രക്കാര് ഏതു വശത്തുകൂടിയാണ് നടക്കേണ്ട തെന്ന ചോദ്യമാണ് പൊതുവിദ്യാഭ്യാസ വകുപ്പ് മന്ത്രിയായ എന്. ഷംസുദ്ദീന്റെ മുന്നിലെത്തിയത്. ശരിയുത്തരം നല്കിയ മന്ത്രിക്ക് കുട്ടികള് സമ്മാനവും കൈമാറി.
തുടര്ന്ന്,വനംവകുപ്പ് മന്ത്രി ഷിബു ബേബി ജോണെടുത്ത കടലാസിലുണ്ടായിരുന്നത് ഒരു ട്രാഫിക് ചിഹ്നത്തിന്റെ ചിത്രമായിരുന്നു. ഇത് എന്തിനുള്ളതാണെന്ന കുട്ടികളുടെ ചോദ്യത്തിന്, വളവില് വാഹനങ്ങളെ ഓവര്ടേക്ക് വിലക്കുന്ന ചിഹ്നമാണെന്ന് മന്ത്രി കൃത്യമായി മറുപടി നല്കി.കുട്ടികളുടെ ചോദ്യങ്ങളും മന്ത്രിമാരുടെ മറുപടികളും കണ്ടുനിന്നവരിലും കൗതുകമുണര്ത്തി.
റോഡ് സുരക്ഷയുടെ പ്രാധാന്യം പൊതുജനങ്ങളിലേക്ക് എത്തിക്കുന്നതിനൊപ്പം ശാസ്ത്രമേള യുടെ വേദിയെ വിജ്ഞാനപ്രദമായ സംവാദവേദിയാക്കി മാറ്റുകയെന്ന ലക്ഷ്യത്തോടെയാണ് വിദ്യാര്ഥികള് ഈ ചോദ്യോത്തര പരിപാടി സംഘടിപ്പിക്കുന്നത്. കല്ലടി സ്കൂളില് ഗണിതമേള ആരംഭിച്ചതുമുതല് ഇവര് ചോദ്യങ്ങളുമായി മേളയിലെത്തുന്നവരെ സമീപിക്കുന്നുണ്ട്. പവര് ബ്രിഗേഡ് കണ്വീനര് റോഷ്നി ടീച്ചര്, ലീഡര്മാരായ കദീജ, ഹിബ, ജാന്വി എന്നിവരാണ് വേറിട്ട ഈ ട്രാഫിക് ബോധവത്കരണത്തിന് നേതൃത്വം നല്കുന്നത്.
