തിരുവനന്തപുരം: 30 കോടി രൂപ ഒന്നാം സമ്മാനമായി നല്കുന്ന തിരുവോണം ബമ്പര് ഭാഗ്യക്കുറി 2026ന്റെ നറുക്കെടുപ്പ് സെപ്റ്റംബര് 26ന് തിരുവനന്തപുരം ഗോര്ഖി ഭവനില് നടക്കും. ഉച്ചയ്ക്ക് 1.30ന് നടക്കുന്ന ചടങ്ങില് ആരോഗ്യ, ദേവസ്വം വകുപ്പ് മന്ത്രി കെ. മുരളീധരന് നറുക്കെടുപ്പ് ഉദ്ഘാടനം ചെയ്യും. ചടങ്ങില് പൂജ ബമ്പര് 2026 ഭാഗ്യക്കുറി ടിക്കറ്റിന്റെ പ്രകാശനവും മന്ത്രി നിര്വഹിക്കും.
ഭാഗ്യക്കുറി വകുപ്പ് ഡയറക്ടര് അഞ്ജു കെ എസ് അധ്യക്ഷത വഹിക്കും. കാട്ടാക്കട എംഎല്എ എം ആര് ബൈജു, നികുതി വകുപ്പ് അഡീഷണല് ചീഫ് സെക്രട്ടറി കെ ആര് ജ്യോതിലാല്, നികുതി വകുപ്പ് സ്പെഷ്യല് സെക്രട്ടറി എന് പ്രശാന്ത് എന്നിവര് സംസാരിക്കും. ജോയിന്റ് ഡയറക്ടര് ഷാജു പി എ സ്വാഗതവും ജോയിന്റ് ഡയറക്ടര് അനില്കുമാര് കെ എസ് നന്ദിയും പറയും.
തിരുവോണം ബമ്പര് 2026ന്റെ 90 ലക്ഷം ടിക്കറ്റുകളാണ് അച്ചടിച്ചത്. ഇതില് 89.85 ലക്ഷം ടിക്കറ്റുകള് ഇതിനകം വിറ്റഴിഞ്ഞു. സംസ്ഥാന ഭാഗ്യക്കുറി ചരിത്രത്തില് ആദ്യമായാണ് ഒന്നാം സമ്മാനം 30 കോടി രൂപയായി ഉയര്ത്തുന്നത്.
About the Author
