മണ്ണാര്ക്കാട്: സംസ്ഥാന സാമൂഹ്യനീതി വകുപ്പ് നല്കുന്ന 2026-ലെ വയോസേവന അവാര്ഡുക ള്ക്കായി അപേക്ഷകള് ക്ഷണിച്ചു.വയോജനങ്ങളുടെ ക്ഷേമത്തിനും സുരക്ഷയ്ക്കുമായി മാതൃ കാപരമായ സേവനം അനുഷ്ഠിക്കുന്ന സര്ക്കാര്/സര്ക്കാര് ഇതര സ്ഥാപനങ്ങള്, വ്യക്തികള്, മുതിര്ന്ന പൗരന്മാര് എന്നിവര്ക്കാണ് പുരസ്കാരം നല്കുന്നത്.
ആറ് വിഭാഗങ്ങളിലാണ് വയോസേവന അവാര്ഡുകള് നല്കുക. വയോജന മേഖലയില് മികച്ച പ്രവര്ത്തനം കാഴ്ചവെച്ച സന്നദ്ധ സംഘടന (എന്.ജി.ഒ), മികച്ച മെയിന്റനന്സ് ട്രൈബ്യൂണല്, മികച്ച സര്ക്കാര് വൃദ്ധസദനം അല്ലെങ്കില് സായംപ്രഭ ഹോം, മുതിര്ന്ന പൗരന്മാരുടെ വിഭാഗത്തി ലെ മികച്ച കായികതാരം, കല-സാഹിത്യ-സാംസ്കാരിക മേഖലകളിലെ മികച്ച പ്രവര്ത്തനം, ആജീവനാന്ത ബഹുമതി എന്നിവയാണ് വിവിധ പുരസ്കാര വിഭാഗങ്ങള്.കൂടാതെ വയോജനങ്ങ ള്ക്കായി മികച്ച പ്രവര്ത്തനങ്ങള് കാഴ്ചവെച്ച തദ്ദേശസ്വയംഭരണ സ്ഥാപനങ്ങളില് നിന്നും നാമ നിര്ദ്ദേശങ്ങള് ക്ഷണിച്ചു. മികച്ച പ്രകടനം കാഴ്ചവെച്ച കോര്പ്പറേഷന്, നഗരസഭ, ജില്ലാ പഞ്ചായ ത്ത്, ബ്ലോക്ക് പഞ്ചായത്ത്, ഗ്രാമപഞ്ചായത്ത് എന്നിവയ്ക്കാണ് അവാര്ഡുകള് നല്കുക.
അപേക്ഷകള് സമര്പ്പിക്കേണ്ട അവസാന തീയതി സെപ്റ്റംബര് 5. അവാര്ഡ് സംബന്ധിച്ച വിവരങ്ങളും അപേക്ഷാ ഫോമും സാമൂഹ്യനീതി വകുപ്പിന്റെ ഔദ്യോഗിക വെബ്സൈറ്റായ www.swdkerala.gov.in-ല് ലഭ്യമാണ്. കൂടുതല് വിവരങ്ങള്ക്ക് ജില്ലാ സാമൂഹ്യനീതി ഓഫിസുമായി ബന്ധപ്പെടുക. ഫോണ്: 0491 2505791.
About the Author
