സപ്ലൈകോ ഓണം ജില്ലാ ഫെയറിന് തുടക്കമായി
പാലക്കാട്: പൊതുവിപണിയില് ഉപഭോക്താക്കളെ ചൂഷണം ചെയ്യുന്ന സമീപനം അനുവദി ക്കില്ലെന്ന് പട്ടികജാതി, പട്ടികവര്ഗ, പിന്നാക്കക്ഷേമ വകുപ്പ് മന്ത്രി കെ.എ തുളസി പറഞ്ഞു. സപ്ലൈകോ ഓണം ജില്ലാ ഫെയര് ഉദ്ഘാടനം കോട്ടമൈതാനത്ത് ഓണ്ലൈനായി നിര്വഹി ക്കുകയായിരുന്നു മന്ത്രി. മികച്ച ഇടപെടല് നടത്തി വിലക്കുറവില് ഗുണമേന്മയുള്ള ഉത്പന്നങ്ങ ളാണ് സാധാരണക്കാര്ക്ക് സപ്ലൈകോ മുഖേന സര്ക്കാര് ഉറപ്പാക്കുന്നത്. ഒരു വീട്ടിലേക്ക് വേണ്ട അവശ്യസാധനങ്ങള് മറ്റും സബ്സിഡി വിലയ്ക്ക് നല്കുന്നതിന് പുറമെ മിതമായ നിരക്കില് വിവിധ ഓണക്കിറ്റുകളും മേളയില് ലഭ്യമാക്കുന്നുണ്ടെന്നും മന്ത്രി പറഞ്ഞു. കെ.സുമേഷ് അച്യുതന് എം.എല്.എ അധ്യക്ഷനായി. ആദ്യവില്പന ജില്ലാ പഞ്ചായത്ത് പ്രസിഡന്റ് എസ്.ബി. രാജു നിര്വഹിച്ചു. രമേശ് പിഷാരടി എം.എല്.എ., ജില്ലാ കലക്ടര് കെ.സുധീര്, നെന്മാറ ബ്ലോക്ക് പഞ്ചായത്ത് പ്രസിഡന്റ് സുധ രവീന്ദ്രന്, വാര്ഡ് കൗണ്സിലര് പ്രദീപ, സപ്ലൈകോ റീജിയണല് മാനേജര് ജി. സുമ, വിവിധ രാഷ്ട്രീയപാര്ട്ടി പ്രതിനിധികള് തുടങ്ങിയവര് പങ്കെടുത്തു.ജില്ലാ ഫെയര് ഓഗസ്റ്റ് 25 വരെ പ്രവര്ത്തിക്കും. ഇതിനുപുറമേ ആഗസ്റ്റ് 20 മുതല് ഉത്രാടം വരെ എല്ലാ നിയോജകമണ്ഡലങ്ങളിലും മണ്ഡലതല ഫെയറുകളും ഉണ്ടാകും.
ഗിഫ്റ്റ് കാര്ഡുകള് ഉള്പ്പെടെ ആകര്ഷമായ ഓഫറുകള്
ഓണം മേളയില് പൊതുജനങ്ങള്ക്ക് 13 ഇനം നിത്യോപയോഗ സാധനങ്ങള് റേഷന് കാര്ഡിലൂടെ സബ്സിഡി നിരക്കില് ലഭ്യമാക്കും. സപ്ലൈകോ റേഷന്കട വഴി എ എ വൈ കാര്ഡ് ഉടമകള്ക്കും ക്ഷേമസ്ഥാപനങ്ങള്ക്കും തുണിസഞ്ചി ഉള്പ്പെടെ 16 ഇനം അവശ്യസാധനങ്ങള് അടങ്ങുന്ന സൗജ ന്യ ഓണക്കിറ്റുകളും വിതരണം ചെയ്യുന്നു. ലാഭകരമായ വിലയില് നാല്തരം കിറ്റുകളും വിപണിയി ല് ഇറക്കിയിട്ടുണ്ട്. ഓണം ഗിഫ്റ്റ് കാര്ഡുകള് സമ്മാനിക്കുന്നതിനൊപ്പം ഗിഫ്റ്റ് കാര്ഡ് റെഡീം ചെയ്യുന്നവരില് നിന്ന് നറുക്കെടുപ്പിലൂടെ വിജയികള്ക്ക് സമ്മാനങ്ങള് നല്കും. 1000 രൂപയുടെ ഓരോ പര്ച്ചേസിനും ഒരു ഗിഫ്റ്റ് കൂപ്പണും നറുക്കെടുപ്പിലൂടെ ആകര്ഷകമായ സമ്മാനങ്ങളും ലഭിക്കും. 1500 രൂപയ്ക്ക് മുകളില് സബ്സിഡിഇതര സാധനങ്ങള് വാങ്ങുമ്പോള് 100 രൂപയുടെ ബോണസ് കൂപ്പണ്, ശബരി, മറ്റ് ബ്രാന്ഡഡ് ഉല്പ്പന്നങ്ങള്ക്കും പ്രത്യേക ഓഫറുകളും വന് വിലക്കുറവും ഉപഭോക്താക്കള്ക്കായി സപ്ലൈകോ ലഭ്യമാക്കുന്നുണ്ട്.
About the Author
