മണ്ണാര്ക്കാട്: സംസ്ഥാനത്ത് അടുത്ത ദിവസങ്ങളിലും ശക്തമായ മഴയ്ക്ക് സാധ്യതയെന്ന് കേന്ദ്ര കാലാവസ്ഥ വകുപ്പ്. അതിതീവ്ര മഴയ്ക്ക് സാധ്യത കണക്കിലെടുത്ത് ഇന്ന് പത്തനംതിട്ട, കോട്ടയം, ഇടുക്കി ജില്ലകളില് റെഡ് അലര്ട്ട് പ്രഖ്യാപിച്ചു. 24 മണിക്കൂറില് 204.4 മില്ലിമീറ്ററിലധികം മഴ ലഭിക്കാനുള്ള സാധ്യതയാണ് റെഡ് അലര്ട്ട് സൂചിപ്പിക്കുന്നത്.
ഇന്ന് കൊല്ലം, ആലപ്പുഴ, എറണാകുളം, കണ്ണൂര്, കാസര്ഗോഡ് ജില്ലകളില് ഓറഞ്ച് അലര്ട്ടും പ്ര ഖ്യാപിച്ചിട്ടുണ്ട്. ഓഗസ്റ്റ് 7-ന് പത്തനംതിട്ട, കോട്ടയം, ഇടുക്കി, മലപ്പുറം, കോഴിക്കോട്, വയനാട്, കണ്ണൂര്, കാസര്ഗോഡ് ജില്ലകളിലും ഓറഞ്ച് അലര്ട്ട് നിലവിലുണ്ടാകും. 24 മണിക്കൂറില് 115.6 മുതല് 204.4 മില്ലിമീറ്റര് വരെ മഴ ലഭിക്കാനുള്ള സാധ്യതയെയാണ് ഓറഞ്ച് അലര്ട്ട് സൂചിപ്പിക്കു ന്നത്.
ഇന്ന് തിരുവനന്തപുരം, തൃശൂര്, പാലക്കാട്, മലപ്പുറം, കോഴിക്കോട്, വയനാട് ജില്ലകളിലും, ഓഗസ്റ്റ് 7-ന് തിരുവനന്തപുരം, കൊല്ലം, ആലപ്പുഴ, എറണാകുളം, തൃശൂര്, പാലക്കാട് ജില്ലകളിലും മഞ്ഞ അലര്ട്ട് പ്രഖ്യാപിച്ചിട്ടുണ്ട്. ഓഗസ്റ്റ് 8-ന് പത്തനംതിട്ട, കോട്ടയം, എറണാകുളം, ഇടുക്കി, മലപ്പുറം, കോഴിക്കോട്, വയനാട്, കണ്ണൂര്, കാസര്ഗോഡ് ജില്ലകളിലും മഞ്ഞ അലര്ട്ട് തുടരും. 24 മണിക്കൂ റില് 64.5 മുതല് 115.5 മില്ലിമീറ്റര് വരെ മഴ ലഭിക്കാനുള്ള സാധ്യതയെയാണ് മഞ്ഞ അലര്ട്ട് സൂചിപ്പിക്കുന്നത്.
അതിതീവ്ര മഴയുടെ സാഹചര്യത്തില് മലവെള്ളപ്പാച്ചില്, മിന്നല് പ്രളയം, നഗരങ്ങളിലും താഴ്ന്ന പ്രദേശങ്ങളിലും വെള്ളക്കെട്ട്, മണ്ണിടിച്ചില്, ഉരുള്പൊട്ടല് തുടങ്ങിയ അപകടസാധ്യതക ള് വര്ധിക്കുമെന്ന് കാലാവസ്ഥ വകുപ്പ് മുന്നറിയിപ്പ് നല്കി. പൊതുജനങ്ങളും ബന്ധപ്പെട്ട സര് ക്കാര് സംവിധാനങ്ങളും അതീവ ജാഗ്രത പാലിക്കണമെന്നും നിര്ദേശിച്ചിട്ടുണ്ട്.
About the Author
