മണ്ണാര്ക്കാട്: സംസ്ഥാന തെരഞ്ഞെടുപ്പ് പരിഷ്കരണ നിര്ദേശങ്ങളുടെ (എസ്.ഐ. ആര്.) ഭാഗമായി സംസ്ഥാനത്ത് എന്യുമറേഷന് ഫോം വിതരണം അതിവേഗത്തില് പുരോഗമിക്കുന്നു.തെരഞ്ഞെടുപ്പ് കമ്മീഷന് ഇന്നലെ വൈകിട്ട് നാലിന് പുറത്തുവിട്ട ഏറ്റവും പുതിയ കണക്ക് പ്രകരാം 86.9ശതമാനവുമായി പാലക്കാട് ജില്ല മുന്നിലാണ്. 86.27 ശതമാനവുമായി കാസര്ഗോഡും, 84.76 ശതമാനവുമായി കോട്ടയവും രണ്ടും മൂന്നും സ്ഥാനത്തുണ്ട്. സംസ്ഥാനത്തുടനീളം ഇതുവരെ 77.43 ശതമാനം ഫോമുകള് വിതരണം ചെയ്തു.ഫോം വിതരണം 85% പൂര്ത്തിയായി പാലക്കാട് ജില്ലയിലെ 12 മണ്ഡലങ്ങളിലെ പോളിംഗ് ബൂത്തുകള്ക്ക് കീഴില് നിയോഗിച്ചിട്ടുള്ള ബൂത്ത് ലെവല് ഓഫിസര്മാര് (ബി.എല്.ഒ.) വഹിച്ചുവരുന്ന എന്യൂമറേഷന് ഫോം വിതരണ പ്രക്രിയയില് ഇതുവരെ 86.59 ശതമാനം വിതരണം പൂര്ത്തിയായി. ഇന്നലെ വൈകിട്ട് നാലുവരെയുള്ള കണക്കു കള് പ്രകാരം, ഇതുവരെ 20.19 ലക്ഷം എന്യൂമറേഷന് ഫോമുകള് ജില്ലയിലാകെ വിതര ണം ചെയ്തു. ജില്ലയിലെ 12 നിയോജകമണ്ഡലങ്ങള്ക്കു കീഴില് നിയോഗിച്ചിട്ടുള്ള 2132 ബൂത്ത് ലെവല് ഓഫിസര്മാരുടെ നേതൃത്വത്തിലാണ് ഇത്രയും ഫോമുകള് വിതരണം ചെയ്യാന് സാധിച്ചത്. തൃത്താല (172051), പട്ടാമ്പി (176832), ഷോര്ണൂര് (179817), ഒറ്റപ്പാലം (180648), കോങ്ങാട് (144887), മണ്ണാര്ക്കാട് (177896), മലമ്പുഴ (180326), പാലക്കാട് (154125), തരൂര് (155641), ചിറ്റൂര് (163940), നെന്മാറ (171083), ആലത്തൂര് (161764) എന്നിങ്ങനെയാണ് 12 മണ്ഡലങ്ങളില് ഇതുവരെ വിതരണം ചെയ്ത എന്യൂമറേഷന് ഫോമുകളുടെ എണ്ണം. 94 ശതമാനം ഫോമുകള് വിതരണം പൂര്ത്തീകരിച്ച ആലത്തൂര് മണ്ഡലമാണ് ലിസ്റ്റില് മുന്നിലുള്ളത്.
About the Author
