മലപ്പുറം: പരിശീലനം പൂര്ത്തിയാക്കിയ 406 പോലിസ് സേനാംഗങ്ങളുടെ പാസിങ് ഔട്ട് പരേഡ് നടന്നു.മലപ്പുറം എം.എസ്.പ പരേഡ് ഗ്രൗണ്ടില് നടന്ന ചടങ്ങില് സംസ്ഥാന പൊലിസ് മേധാവി റവാഡ എ. ചന്ദ്രശേഖര് അഭിവാദ്യം ശേഖരിച്ചു.എം.എസ്.പി. ബറ്റാലിയനിലെ 319 പൊലിസ് കോണ്സ്റ്റബിള് സേനാംഗങ്ങള്, ഒന്പത് സീനിയര് സിവില് പൊലിസ് ഓഫിസര്മാര്, ഒരു ഹവില്ദാര് എന്നിങ്ങനെ 329 പേരും കേരള ആംഡ് പൊലിസ് ഒന്നാം ബറ്റാലിയനിലെ 77 റിക്രൂട്ട് ട്രെയിനിങ് പൊലിസ് സേനാംഗങ്ങളുമാണ് പാസ്സിംഗ് ഔട്ട് പരേഡില് പങ്കെടുത്തത്. എ.ഡി.ജി.പി. എസ്. ശ്രീജിത്ത്, ഡി.ഐ.ജി. അരുള് ആര്.ബി കൃഷ്ണ, ജില്ലാ കലക്ടര് വി.ആര് വിനോദ്, ജില്ലാ പൊലിസ് മേധാവി ആര്. വിശ്വനാഥ്, എം.എസ്.പി. കമാന്ഡന്റ് കെ.സലിം എന്നിവര് പങ്കെടുത്തു.എം.എസ്.പി അസി. കമാന്ഡന്റ് കെ.വി രാജേഷ് പ്രതിജ്ഞ ചൊല്ലി കൊടുത്തു.ആലപ്പുഴ സ്വദേശി ടി.എ. അലക്സ് പരേഡ് നയിച്ചു. പരിശീലന കാലയളവില് മികവ് തെളിയിച്ചവര്ക്ക് സംസ്ഥാന പൊല്സ് മേധാവി പുരസ്കാരം നല്കി. മികച്ച ഷൂട്ടറായി എം.എസ് യഥു കൃഷ്ണന് (എം.എസ്.പി), സഞ്ജു ശിവരാജന് (കെ.എ.പി) മികച്ച ഇന്ഡോറായി ജസ് ലിന് ജോയ് (എം.എസ്.പി), സഞ്ജയ് കെ. ജയന് (കെ.എ.പി),സൈബര് പ്രാവീണ്യത്തിലെ മികവ് പി.സച്ചിന് (എം.എസ്.പി), സഞ്ജയ് കെ ജയന് (കെ.എ.പി) എന്നിവരെ തെരഞ്ഞെടുത്തു. മികച്ച ഔട്ട്ഡോറായി ടി. എ അലക്സ് (എം.എസ്.പി), സി.എസ്. ആദര്ശ് (കെ.എ.പി) ഓള്റൗണ്ടറായി ടി. അശ്വിന് (എം.എസ്.പി), ദീപക് പി. അശോക് (കെ.എ.പി) എന്നിവരെയും തിരഞ്ഞെടുത്തു.
എം.എസ്.പി. ബറ്റാലിയനില് നിന്നും പരിശീലനം പൂര്ത്തിയാക്കിയ 329 സേനാംഗങ്ങ ളില് 93 പേര് പ്ലസ് ടു, ഐ.ടി.ഐ. യോഗ്യതയുള്ളവരാണ് 20 പേര് ഡിപ്ലോമയും 173 പേര് ബിരുദവും 23 പേര് ബിരുദാനന്തര ബിരുദവും യോഗ്യതയുള്ളവരാണ് ബി.ടെക് യോഗ്യതയുള്ള 17 പേരും ബി.എഡ് യോഗ്യതയുള്ള രണ്ട് പേരും എം.ബി.എ യോഗ്യ തയുള്ള ഒരാളും ഇക്കൂട്ടത്തിലുണ്ട്. കെ.എ.പി ഒന്നാം ബറ്റാലിയനില് നിന്നും പരിശീല നം പൂര്ത്തിയാക്കിയ 77 സേനാംഗങ്ങളില് 19 പേര് പ്ലസ്.ടു ,ഐ.ടി.ഐ. യോഗ്യതയുള്ള വരാണ്. ആറു പേര് ഡിപ്ലോമ നേടിയവരും 38 പേര് ബിരുദം നേടിയവരും ആറ് പേര് ബിരുദാനന്തര ബിരുദം നേടിയവരുമാണ്.. അഞ്ച് പേര്ക്ക് ബി. ടെക് യോഗ്യതയും ഒരാള്ക്ക് ബി.എഡ് യോഗ്യതയും രണ്ട് പേര്ക്ക് എം.ബി.എ യോഗ്യതയും ഉണ്ട്.
About the Author
