പാലക്കാട്: നാല് ദിവസങ്ങളിലായി നീണ്ടു നിന്ന സംസ്ഥാന സ്കൂള് ശാസ്ത്രോത്സവ ത്തിന് കൊടിയിറങ്ങി. 1548 പോയിന്റുകളുമായി മലപ്പുറം ജില്ല ഓവറോള് കിരീടം കരസ്ഥമാക്കി. 1487പോയിന്റുകള് നേടി പാലക്കാട് ജില്ല രണ്ടാം സ്ഥാനവും, തുല്ല്യ പോയിന്റുകള് കരസ്ഥമാക്കിയ കണ്ണൂര് മൂന്നാം സ്ഥാനവും നേടി. റാങ്കുകള് കരസ്ഥമാക്കിയതിന്റെ അടിസ്ഥാനത്തില് ഒരു റാങ്ക് വ്യത്യാസത്തിലാണ് കണ്ണൂരിന് രണ്ടാം സ്ഥാനം നഷ്ടമായത്. പാലക്കാടിന് 17 ഒന്നാം റാങ്കുകളും, കണ്ണൂരിന് 16 ഒന്നാം റാങ്കുകളുമാണ് നേടാന് സാധിച്ചത്. സ്കൂളുകളില് 164 പോയിന്റുമായി വയനാട് സേക്രഡ്ഹാര്ട്ട് എച്ച്.എസ്.എസ്. ദ്വാരക ഒന്നാം സ്ഥാനം നേടി. 140 പോയിന്റുമായി കാസര്ഗോഡ് ദുര്ഗ്ഗ എച്ച്.എസ്.എസ്. കാഞ്ഞങ്ങാട് രണ്ടാം സ്ഥാനവും, 135 പോയിന്റു മായി ഇടുക്കി എഫ്.എം.ജി എച്ച്.എസ്.എസ്. കൂമ്പന്പാറ മൂന്നാം സ്ഥാനവും കരസ്ഥ മാക്കി. പാലക്കാട് ജില്ലയിലെ ഏഴ് സ്കൂളുകളിലായി നടന്ന ശാസ്ത്രോത്സവ ത്തില് 6,756 മത്സരാര്ത്ഥികള് പങ്കെടുത്തു.ഗവ.മോയന്സ് എച്ച്.എസ്.എസില് നടന്ന സമാപന സമ്മേളനം പൊതു വിദ്യാഭ്യാസ ഡയറക്ടര് എന്.എസ്.കെ ഉമേഷ് ഉദ്ഘാടനം ചെയ്തു. പൊതു വിദ്യാഭ്യാസ വകുപ്പ് ജോയിന്റ് ഡയറക്ടര് അബൂബക്കര്, എ.ഡി.പി.ഐ. സി.എ സന്തോഷ്, എ.ഡി.പി.ഐ. ആര്.എസ് ഷിബു, ഹയര് സെക്കന്ഡറി ഡെപ്യൂട്ടി ഡയറക്ടര് ഉബൈദുള്ള, പൊതുവിദ്യാഭ്യാസ വകുപ്പ് ചീഫ് പ്ലാനിങ് ഓഫിസര് ദീപാ മാര്ട്ടിന്, പാലക്കാട് ഡി.ഡി.ഇ. സലീന ബീവി, ഡി.ഇ.ഒ. ആസിഫ് അലിയാര്, റിസപ്ഷന് കമ്മിറ്റി കണ്വീനര് ബിജു വിജയന് തുടങ്ങിയവര് പങ്കെടുത്തു.
About the Author
