മണ്ണാര്ക്കാട്: തദ്ദേശ സ്വയംഭരണ സ്ഥാപനങ്ങളിലേക്കുള്ള പൊതുതെരഞ്ഞെടുപ്പുമായി ബന്ധപ്പെട്ട് മാതൃകാപെരുമാറ്റച്ചട്ടം നിലവില് വന്ന സാഹചര്യത്തില് ജില്ലാതലത്തില് മോണിറ്ററിങ് സമിതി രൂപീകരിച്ച് കേരള സംസ്ഥാന തെരഞ്ഞെടുപ്പ് കമ്മീഷന് ഉത്തര വിറക്കി. ഡിസംബര് 9, 11 തീയതികളിലാണ് പൊതു തെരഞ്ഞെടുപ്പ് നടക്കുന്നത്. തെര ഞ്ഞെടുപ്പുമായി ബന്ധപ്പെട്ട വിവിധ പ്രവര്ത്തനങ്ങളെ സംബന്ധിച്ചും മറ്റും സ്ഥാനാര് ഥികള്, പൊതുജനങ്ങള്, ഉദ്യോഗസ്ഥര് എന്നിവര് ഉന്നയിക്കുന്ന സംശയങ്ങള്ക്ക് നിവാരണം നല്കുന്നതിനും പരാതികളില് ഉടന് പരിഹാരനടപടി സ്വീകരിക്കുന്നതി നും വേണ്ടിയാണ് സമിതി രൂപീകരിച്ചിട്ടുള്ളത്. ജില്ലാ തെരഞ്ഞെടുപ്പ് ഉദ്യോഗസ്ഥ കൂടിയായ ജില്ലാ കലക്ടറാണ് സമിതിയുടെ ചെയര്മാന്. തദ്ദേശ സ്വയംഭരണ വകുപ്പ് ജില്ലാ ജോയിന്റ് ഡയറക്ടര് കണ്വീനറായും ജില്ലാ പൊലിസ് ചീഫ്, ഇലക്ഷന് ഡെപ്യൂട്ടി കലക്ടര്, ജില്ലാ ഇന്ഫര്മേഷന് ഓഫിസര് എന്നിവര് അംഗങ്ങളായും സമിതിയില് ഉണ്ടാകും.മാതൃകാപെരുമാറ്റച്ചട്ടവുമായി ബന്ധപ്പെട്ട് ലഭിക്കുന്ന പരാതികളില് ഉടന് പരിഹാരം കാണുന്നതിന് ഈ കമ്മിറ്റി പ്രത്യേക ശ്രദ്ധ നല്കണം. ആവശ്യമെങ്കില് കുറ്റക്കാര്ക്കെതിരെ നിയമനടപടി സ്വീകരിക്കാനും നിര്ദ്ദേശമുണ്ട്. ഏതെങ്കിലും വിഷയത്തില് കമ്മീഷന്റെ ഇടപെടല് ആവശ്യമെങ്കില്, റിപ്പോര്ട്ട് സഹിതം അത് ഉടന് തന്നെ കമ്മീഷന് തുടര്നടപടികള്ക്കായി അയക്കും. ജില്ലാ മോണിറ്ററിങ് സമിതിയുടെ യോഗം രണ്ട് ദിവസത്തിലൊരിക്കല് ചേര്ന്ന് സ്ഥിതിഗതികള് വിലയിരുത്തി കമ്മീഷന് റിപ്പോര്ട്ട് സമര്പ്പിക്കും. എന്നാല് അടിയന്തര പ്രാധാന്യമുള്ള സാഹചര്യങ്ങളില് ഉടന് തന്നെ യോഗം ചേരുകയും നടപടി സ്വീകരിക്കുകയും ചെയ്യണമെന്നും നിര്ദ്ദേശമുണ്ട്.
About the Author
