മണ്ണാര്ക്കാട്: കേരള സ്റ്റേറ്റ് റോഡ് ട്രാന്സ്പോര്ട്ട് കോര്പ്പറേഷന് ചരിത്രത്തിലെ രണ്ടാ മത്തെ ഏറ്റവും വലിയ പ്രതിദിന ടിക്കറ്റ് വരുമാന നേട്ടം ( ഓപ്പറേറ്റിംഗ് റവന്യു ) സ്വന്ത മാക്കി. ഇക്കഴിഞ്ഞ സെപ്റ്റംബര് 8-ാം തീയതിയാണ് എക്കാലത്തെയും മികച്ച പ്രതിദിന ടിക്കറ്റ് വരുമാനമായ 10.19 കോടി രൂപ കെഎസ്ആര്ടിസി നേടിയത്. ഒക്ടോബര് ആറി ന് രണ്ടാമത്തെ ഉയര്ന്ന കളക്ഷനായ 9.41 കോടി രൂപയും നേടാനായി. ജീവനക്കാരുടെ യും, സൂപ്പര്വൈസര്മാരുടെയും, ഓഫിസര്മാരുടെയും ഏകോപിതമായ പരിശ്രമങ്ങ ളിലൂടെയാണ് തുടര്ച്ചയായി മികച്ച വരുമാനം നേടി മുന്നേറുന്നതിന് കെഎസ്ആര്ടി സിക്ക് സഹായകരമാകുന്നത്. ഗതാഗത വകുപ്പ് മന്ത്രിയുടെ കാലോചിതമായ പരിഷ്ക്ക രണ നടപടികളും, കെഎസ്ആര്ടിസി മാനേജ്മെന്റിന്റെ നേതൃത്വത്തില് നടത്തിയ തുടര് പ്രവര്ത്തനങ്ങളും ഈ വലിയ മുന്നേറ്റത്തിന് നിര്ണായകമായി. പുതിയ ബസുക ളുടെ വരവും, സേവനങ്ങളില് കൊണ്ടുവന്ന ഗുണപരമായ മാറ്റങ്ങളും യാത്രക്കാരില് വന് സ്വീകാര്യത നേടിയിട്ടുണ്ട്. അഭിമാനകരമായ ഈ നേട്ടത്തിനായി, സമര്പ്പിതമായി പ്രവര്ത്തിച്ച മുഴുവന് ജീവനക്കാരോടും,കെഎസ്ആര്ടിസിയോട് വിശ്വാസ്യത പുലര് ത്തിയ യാത്രക്കാരോടും, പിന്തുണ നല്കിയ തൊഴിലാളി സംഘടനകള് അടക്കം ഓരോരുത്തരോടും കെഎസ്ആര്ടിസിയുടെ പേരില് നന്ദി അറിയിക്കുന്നതായി ചെയര്മാന് ആന്ഡ് മാനേജിങ് ഡയറക്ടര് അറിയിച്ചു.
About the Author
