തച്ചനാട്ടുകര: ഗാന്ധി ജയന്തിയോടനുബന്ധിച്ച് തച്ചനാട്ടുകര ഗ്രാമപഞ്ചായത്തിന്റെ ആഭിമുഖ്യത്തില് മെഗാ ക്ലീനിങ് ഡ്രൈവ് സംഘടിപ്പിച്ചു. ഗ്രാമപഞ്ചായത്ത് പ്രസിഡന്റ് കെ.പി.എം സലീം ഉദ്ഘാടനം ചെയ്തു. ഹരിതകര്മ്മ സേനാംഗങ്ങള്, ആരോഗ്യ പ്രവര് ത്തകര്, ജനപ്രതിനിധികള് തുടങ്ങിയവരുടെ നേതൃത്വത്തില് പഞ്ചായത്തിലെ വിവിധ പ്രദേശങ്ങളില് ശുചീകരണ പ്രവര്ത്തനങ്ങള് നടത്തി. ബോധവല്ക്കരണ ക്ലാസുകളും സംഘടിപ്പിച്ചു. നാട്ടുകല് കുടുംബാരോഗ്യ കേന്ദ്രത്തില് നടന്ന പരിപാടിയില് ഗ്രാമ പഞ്ചായത്ത് വൈസ് പ്രസിഡന്റ് പാര്വ്വതി ഹരിദാസ് അധ്യക്ഷയായി. മെമ്പര്മാരായ എ.കെ വിനോദ്, ഇ.എം നവാസ്, ജൂനിയര് ഹെല്ത്ത് ഇന്സ്പെക്ടര്മാരായ പി പ്രിയന്, യു ഹസീന, ഗ്രീന്വോംസ് കോര്ഡിനേറ്റര് റാഷിദ്, മറ്റു ജനപ്രതിനിധികള്, ഹരിത കര്മ്മ സേനാംഗങ്ങള്, ആരോഗ്യ പ്രവര്ത്തകര് തുടങ്ങിയവര് പങ്കെടുത്തു.
About the Author
