അഗളി: അട്ടപ്പാടി ട്രൈബല് താലൂക്ക് സ്പെഷ്യാലിറ്റി ആശുപത്രിയില് 13.67 കോടി യോളം രൂപ ചെലവില് പൂര്ത്തീകരിച്ച വവിധ പദ്ധതികള് വ്യാഴാഴ്ച ആരോഗ്യവകുപ്പ് മന്ത്രി വീണാ ജോര്ജ്ജ് ഉദ്ഘാടനം ചെയ്യും.
നവജാത ശിശുമരണം തടയാന് മൂന്ന് കോടി 20 ലക്ഷം രൂപ ചെലവില് അത്യാധുനിക സൗകര്യങ്ങളോടുകൂടിയ ലക്ഷ്യ സ്റ്റാന്ഡേര്ഡ് അനുസരിച്ചുള്ള ലേബര് റൂം, ഓപ്പറേഷ ന് തീയേറ്റര്, ലേബര് ഒ.പി, ലിഫ്റ്റ്, സ്ക്രീനിങ് ബ്ലോക്ക്, മൂന്ന് കോടി രൂപ ചെലവില് സി.ടി സ്കാന് യൂണിറ്റ് എന്നിങ്ങനെയാണ് ഒരുക്കിയിട്ടുള്ളത്. അട്ടപ്പാടിക്കാര്ക്ക് സി.ടി സ്കാനിങ്ങിനായി മണ്ണാര്ക്കാട്, കോയമ്പത്തൂര്, പാലക്കാട് തുടങ്ങിയ സ്ഥലങ്ങളിലേ ക്ക് കിലോമീറ്ററുകള് സഞ്ചരിക്കേണ്ട സ്ഥിതിയായിരുന്നു. ഇതിന് പരിഹാരമായാണ് സി.ടി സ്കാന് യൂണിറ്റ് പ്രവര്ത്തനമാരംഭിക്കുന്നത്. 34 ലക്ഷം രൂപ ചെലവില് പുതിയ ഒ.പി കെട്ടിടം, 40 ലക്ഷം രൂപ ചെലവില് പുതിയ ഫിസിയോ തെറാപ്പി- സ്പെഷ്യല് എഡ്യൂക്കേഷന്- കൗണ്സിലിങ്- ഡെ കെയര് ആന്ഡ് ഫിറ്റ്നസ് സെന്റര്, 2.60 കോടി രൂപ ചെലവില് സ്റ്റാഫ് ക്വാര്ട്ടേഴ്സ് നിര്മ്മാണം, വൈദ്യുതി ക്ഷാമം പരിഹരിക്കാന് 68 ലക്ഷം രൂപ ചെലവില് 250 കെ.വി. ഹൈടെന്ഷന് ട്രാന്സ്ഫോര്മര്, 1.40 കോടി രൂപ ചെ ലവില് ഫയര് ഫൈറ്റിങ് സംവിധാനം, എസ്കേപ്പിങ് സ്റ്റെയര്, പാരപ്പറ്റ്, റാംപ്, സ്റ്റോര് ഓണ് കാന്റീന്, ഒരു കോടി രൂപ ചെലവില് ഡയാലിസിസ്- കീമോ തെറാപ്പി കേന്ദ്രം, 22 ലക്ഷം രൂപയില് ലോണ്ടറി യൂണിറ്റ് എന്നീ പ്രവര്ത്തനങ്ങളാണ് അട്ടപ്പാടി കോട്ടത്തറ ട്രൈബല് താലൂക്ക് സ്പെഷ്യാലിറ്റി ആശുപത്രിയില് പൂര്ത്തീകരിച്ചിട്ടുള്ളത്.
രാവിലെ 10ന് നടക്കുന്ന ചടങ്ങില് എന് ഷംസുദ്ദീന് എം.എല്.എ അധ്യക്ഷനാകും. വി.കെ ശ്രീകണ്ഠന് എം.പി. മുഖ്യാതിഥിയാകും. ജില്ലാ പഞ്ചായത്ത് പ്രസിഡന്റ് കെ. ബിനുമോള്, ജില്ലാ പഞ്ചായത്ത് സ്ഥിരം സമിതി അധ്യക്ഷന് പി.സി നീതു, അട്ടപ്പാടി ബ്ലോക്ക് പഞ്ചായത്ത് പ്രസിഡന്റ് മരുതി മുരുകന്, ഗ്രാമപഞ്ചായത്ത് പ്രസിഡന്റുമാ രായ അംബിക ലക്ഷ്മണന്, പി.രാമമൂര്ത്തി, ജ്യോതി അനില്കുമാര്, ജില്ലാ കലക്ടര് എം.എസ് മാധവിക്കുട്ടി, ഐ.ടി.ഡി.പി പ്രൊജക്ട് ഓഫിസര് കെ.പി സാദിഖലി, അട്ടപ്പാടി ട്രൈബല് താലൂക്ക് സ്പെഷ്യാലിറ്റി ആശുപത്രി ആര്.എം.ഒ. ഡോ.കെ.മിഥുന്, ജില്ലാ മെഡിക്കല് ഓഫിസര് ഡോ.ടി.വി റോഷ് തുടങ്ങിയവര് പരിപാടിയില് പങ്കെടുക്കും.
About the Author
