പാലക്കാട് : ജില്ലയില്‍ നിലവില്‍ പാലക്കാട് ജില്ലാ ആശുപത്രിയില്‍ ആറുപേരാണ് കോവിഡ് 19 ചികിത്സയിലുള്ളത്. രോഗമുക്തി നേടി യ ഏഴു പേരില്‍ നാലുപേരുടെ നിരീക്ഷണ കാലയളവ് പൂര്‍ത്തിയാ യിട്ടുണ്ട്. ഇതുവരെ രോഗം സ്ഥിരീകരിച്ചവരുടെ പ്രൈമറി, സെക്ക ന്‍ഡറി സമ്പര്‍ക്ക പട്ടികയില്‍ ഉള്‍പ്പെട്ട ആര്‍ക്കും നിലവില്‍ രോഗം സ്ഥിരീകരിച്ചിട്ടില്ല. സാമ്പിള്‍ പരിശോധനകള്‍ നടന്നുവരികയാണ്.
*രോഗമുക്തി നേടി ആശുപത്രി വിട്ടവരില്‍ നാലുപേരുടെ നിരീക്ഷണ കാലയളവ് പൂര്‍ത്തിയായി, ആരോഗ്യനില തൃപ്തികരം*
ജില്ലയില്‍ കോവിഡ് 19 രോഗവിമുക്തി നേടി ആശുപത്രി വിട്ട ഏഴുപേരില്‍ നാലുപേരുടെ നിരീക്ഷണ കാലയളവ് പൂര്‍ത്തിയായ തായും മറ്റുള്ളവര്‍ വീടുകളില്‍ നിരീക്ഷണത്തില്‍ തുടരുകയാണെ ന്നും ആരോഗ്യവകുപ്പ് അധികൃതര്‍ അറിയിച്ചു. നിലവില്‍ എല്ലാ വരുടെയും ആരോഗ്യനില തൃപ്തികരമാണ്. സാമ്പിള്‍ പരിശോധന യില്‍ തുടര്‍ച്ചയായി രണ്ട് തവണ നെഗറ്റീവ് ഫലം വന്നതിനെ അടി സ്ഥാനത്തില്‍ ആശുപത്രിയില്‍ നിന്ന് വിടുതല്‍ നല്‍കുകയും 14 ദിവസം കൂടി വീട്ടില്‍ നിരീക്ഷണത്തില്‍ ഇരിക്കാന്‍ നിര്‍ദ്ദേശിക്കു കയും ചെയ്തിരുന്നു. ഇതുപ്രകാരം ഏപ്രില്‍ 11 ന് ആശുപത്രി വിട്ട ലക്കിടി വരോട്, കാരാകുറുശ്ശി, കിഴക്കഞ്ചേരി പാലക്കുഴി, ചാലി ശ്ശേരി മുക്കൂട്ട സ്വദേശികളുടെ ക്വാറന്റെയിന്‍ കാലയളവ് പൂര്‍ത്തി യായിട്ടുണ്ട്. യഥാക്രമം മാര്‍ച്ച് 24, 25, 29, ഏപ്രില്‍ ഒന്ന് തീയതികളി ലാണ് ഇവര്‍ക്ക് രോഗം സ്ഥിരീകരിച്ചത്. ഏപ്രില്‍ 15 ന് ആശുപത്രി വിട്ട ഒറ്റപ്പാലം, കാവില്‍പ്പാട് സ്വദേശികളും ഏപ്രില്‍ 22 ന് ആശു പത്രി വിട്ട തിരുമിറ്റക്കോട് ചാത്തന്നൂര്‍ സ്വദേശിയും നിലവില്‍ വീട്ടില്‍ നിരീക്ഷണത്തിലാണ്. യഥാക്രമം മാര്‍ച്ച് 28, ഏപ്രില്‍ 4, ഏപ്രില്‍ 13 തീയതികളില്‍ ആണ് ഇവര്‍ക്ക് രോഗം സ്ഥിരീകരിച്ചത്. അതാത് പ്രദേശങ്ങളിലെ ആരോഗ്യ പ്രവര്‍ത്തകര്‍ ഇവരുടെ ആരോഗ്യ നില തൃപ്തികരമാണെന്ന് അന്വേഷിച്ച് ഉറപ്പു വരുത്തുന്നുണ്ട്.
*നിലവില്‍ ചികിത്സയിലുള്ളത് ആറ് പേര്‍*
മാര്‍ച്ച് 25 ന് രോഗം സ്ഥിരീകരിച്ച കോട്ടോപ്പാടം സ്വദേശി, ഏപ്രില്‍ 21 ന് രോഗം സ്ഥിരീകരിച്ച കഞ്ചിക്കോട് ജോലി ചെയ്യുന്ന യു.പി, കാവില്‍പാട്, കുഴല്‍മന്ദം, വിളയൂര്‍, മലപ്പുറം സ്വദേശികളുമാണ് നിലവില്‍ പാലക്കാട് ജില്ലാ ആശുപത്രിയില്‍ ചികിത്സയില്‍ ഉള്ളത്. സാമ്പിള്‍ പരിശോധനയില്‍ തുടര്‍ച്ചയായി രണ്ടുതവണ നെഗറ്റീവ് ഫലം വന്നാല്‍ മാത്രമേ ആശുപത്രി വിടാന്‍ അനുവദിക്കൂ. നിലവില്‍ രോഗികളുടെ ആരോഗ്യസ്ഥിതി തൃപ്തികരമാണെന്ന് ആരോഗ്യവകുപ്പ് അറിയിച്ചു.
*സമ്പര്‍ക്ക പട്ടികയില്‍ ഉള്ളവരുടെ സാമ്പിള്‍ പരിശോധന നടന്നുവരുന്നു, ഇതുവരെ പോസിറ്റീവ് കേസുകളില്ല*
രോഗം സ്ഥിരീകരിച്ചവരുടെ പ്രൈമറി, സെക്കന്‍ഡറി സമ്പര്‍ക്ക പട്ടികയിലുള്ളവരുടെ സാമ്പിള്‍ പരിശോധനയില്‍ ഇതുവരെ പോസിറ്റീവ് കേസുകള്‍ ഉണ്ടായിട്ടില്ല. വരോട് സ്വദേശി ആറ്, കോട്ടോപ്പാടം സ്വദേശി ഒന്ന്, കാരക്കുറിശ്ശി 76, ഒറ്റപ്പാലം സ്വദേശി എട്ട്, കിഴക്കഞ്ചേരി പാലക്കുഴി സ്വദേശി നാല്, ചാലിശ്ശേരി മുക്കൂട്ട മൂന്ന്, പുതുപ്പരിയാരം കാവില്‍പാട് നാല്, തിരുമിറ്റക്കോട് ചാത്ത ന്നൂര്‍ 14, യുപി സ്വദേശി 17, കുഴല്‍മന്ദം 13, പുതുപ്പരിയാരം കാവി ല്‍പാട് 4, വിളയൂര്‍ 35, മലപ്പുറം സ്വദേശി ഒന്ന് എന്നിങ്ങനെയാണ് രോഗം സ്ഥിരീകരിച്ചവരുടെ പ്രൈമറി, സെക്കന്‍ഡറി സമ്പര്‍ക്ക പട്ടികയിലെ സാമ്പിള്‍ പരിശോധന നടത്തിയവരുടെ കണക്കുകള്‍. മറ്റുള്ളവരുടെ പരിശോധനകള്‍ നടന്നുവരികയാണെന്ന് അധികൃതര്‍ അറിയിച്ചു.