തിരുവനന്തപുരം: ഭൂമി തരംമാറ്റം നടപടികള് സുതാര്യമായും വേഗതയിലും പൂര്ത്തീ കരിക്കാന് വകുപ്പുതലത്തില് തീവ്ര ശ്രമങ്ങള് പുരോഗമിക്കുകയാണെന്ന് റവന്യൂവകു പ്പ് മന്ത്രി കെ രാജന്. ഒക്ടോബറില് തരംമാറ്റം സംബന്ധിച്ച പ്രത്യേക അദാലത്തുകള് നടത്തുമെന്നും പാലക്കാട് ജില്ലാ റവന്യൂ അസംബ്ലിയില് അധ്യക്ഷത വഹിച്ചുകൊണ്ട് മന്ത്രി പറഞ്ഞു.പട്ടയ വിതരണത്തില് പാലക്കാട് ജില്ല വലിയ മുന്നേറ്റമാണ് നടത്തിയി രിക്കുന്നത്. നിലവില് 28, 994 പട്ടയങ്ങളാണ് ജില്ലയില് വിതരണം ചെയ്തതെന്നും മന്ത്രി വിശദീകരിച്ചു. ജില്ലാ കളക്ടര് എം എസ് മാധവിക്കുട്ടി ജില്ലയിലെ പ്രവര്ത്തനങ്ങള് റി പ്പോര്ട്ട് ചെയ്തു. തുടര്ന്ന് എംഎല്എമാര് ജില്ലയിലെയും മണ്ഡലങ്ങളിലെയും പൊതു വിഷയങ്ങള് അവതരിപ്പിച്ചു.
അന്തിമ നടപടിക്രമങ്ങള് പൂര്ത്തിയാക്കി 9(2) വിജ്ഞാപനം പുറപ്പെടുവിച്ചാല് തൃത്താ ലയെ ഡിജിറ്റല് റീ സര്വെ സമ്പൂര്ണമായി പൂര്ത്തികരിച്ച മണ്ഡലമായി പ്രഖ്യാപിക്കാ നാവുമെന്ന് തദ്ദേശ സ്വയംഭരണ വകുപ്പ് മന്ത്രി എം ബി രാജേഷ് പറഞ്ഞു. വികസന പദ്ധ തികള്ക്കുള്ള ഭൂമി ഏറ്റെടുക്കല് നടപടികള് കാലതാമസം കൂടാതെ നടപ്പാക്കണമെ ന്നും തൃത്താല എംഎല്എ കൂടിയായ തദ്ദേശ മന്ത്രി റവന്യൂ അസംബ്ലിയില് ചൂണ്ടിക്കാ ട്ടി.നേരത്തേ തമിഴ്നാടുകാരായിരുന്ന, നിലവില് കേരളത്തില് സ്ഥിരതാമസക്കാരായ നിരവധി കുടുംബങ്ങളുടെ ജാതി സര്ട്ടിഫിക്കറ്റ് വിഷയം വൈദ്യുതി വകുപ്പ് മന്ത്രി കെ കൃഷ്ണന് കുട്ടി അസംബ്ലിയുടെ ശ്രദ്ധയില് കൊണ്ടുവന്നു.
ഇത് സംസ്ഥാനത്തെ അതിര്ത്തി പങ്കിടുന്ന ജില്ലകളിലാകെ ബാധിച്ചിട്ടുള്ള വിഷയമാ ണെന്ന് റവന്യൂ മന്ത്രി കെ രാജന് പറഞ്ഞു. റവന്യൂ വകുപ്പിന് ചട്ടപ്രകാരം സര്ട്ടിഫിക്കറ്റ് അനുവദിക്കാനുള്ള അധികാരം മാത്രമാണുള്ളത്. ഈ വിഷയത്തില് മുഖ്യമന്ത്രി യോ ഗം വിളിച്ചിരുന്നു. പ്രശ്നപരിഹാരത്തിന് കേന്ദ്ര സര്ക്കാരിന് വീണ്ടും കത്ത് അയക്കാന് തീരുമാനിച്ചിട്ടുണ്ട്. ചില വിഷയങ്ങളില് പട്ടിക ജാതി/വര്ഗ വകുപ്പുമായി ബന്ധപ്പെട്ട നടപടികളുടെ തീര്പ്പുകള് കൂടി വരുന്നതോടെ പരിഹാരം കാണാനാവുമെന്നും റവന്യൂ മന്ത്രി പറഞ്ഞു.
എംഎല്എമാരായ കെ ഡി പ്രസേനന്, കെ ബാബു (നെന്മാറ), എന് ഷംസുദ്ദീന്, എ പ്രഭാകരന്, പി മമ്മിക്കുട്ടി, മുഹമ്മദ് മുഹ്സിന്, കെ പ്രേംകുമാര്, പി പി സുമോദ് എന്നിവരും റവന്യൂ, ദുരന്ത നിവാരണ വകുപ്പ് സെക്രട്ടറി എം ജി രാജമാണിക്യം, ലാന്ഡ് റവന്യൂ കമ്മിഷണര് ജീവന് ബാബു കെ , റവന്യൂ അഡീഷണല് സെക്രട്ടറി എ ഗീത, സര്വെ വകുപ്പ് ഡയറക്ടര് സീറാം സാംബശിവ റാവു, ലാന്ഡ് റവന്യൂ ജോയിന്റ് കമ്മിഷണര് കെ മീര തുടങ്ങിയവരും പങ്കെടുത്തു.
About the Author
