പാലക്കാട് : ‘എനിക്കും വേണം ഖാദി’ എന്ന സന്ദേശവുമായി കേരള ഖാദി ഗ്രാമ വ്യവ സായ ബോര്ഡ് സംഘടിപ്പിക്കുന്ന ഓണം ഖാദിമേളയുടെ പ്രചാരണവുമായി ബന്ധപ്പെട്ട് ഖാദി വസ്ത്രങ്ങള് ധരിച്ച് ജനപ്രതിനിധികളും ഇന്ന് സിവില് സ്റ്റേഷനിലുണ്ടായിരുന്ന ജില്ലാ വനിതാ വകുപ്പ് മേധാവികളും പാലക്കാട് കോട്ടയില് അണിനിരന്നു. പാലക്കാട് നഗരസഭാ ചെയര്പേഴ്സണ് പ്രമീളാ ശശിധരന്, ജില്ലാ പഞ്ചായത്ത് പ്രസിഡന്റ് കെ. ബിനു മോള്, ജില്ലാ പ്ലാനിങ് ഓഫിസര് ഏലിയാമ്മ നൈനാന്, ജില്ലാ ഫിനാന്സ് ഓഫി സര് സി.ജെ രാഖി, ജില്ലാ ഇന്ഫര്മേഷന് ഓഫിസര് പ്രിയ കെ. ഉണ്ണികൃഷ്ണന്, ജില്ലാ സപ്ലൈ ഓഫിസര് എ.എസ് ബീന, ജില്ലാ പട്ടികജാതി വികസന ഓഫിസര് ശ്രീജ, ജില്ലാ പട്ടികവര്ഗ വികസന ഓഫിസര് ഷെമീന എന്നിവരാണ് പ്രചരണ വീഡിയോ ഷൂട്ടിനായി ഖാദി വസ്ത്രങ്ങള് ധരിച്ച് അണിനിരന്നത്.
ഖാദി മേള സെപ്റ്റംബര് നാല് വരെ
ജില്ലാ ഖാദി ഗ്രാമ വ്യവസായ ഓഫീസിന് കീഴിലുള്ള വില്പ്പന കേന്ദ്രത്തില് ഖാദി തുണിത്തരങ്ങള്ക്ക് 20 മുതല് 30 ശതമാനം വരെ ഗവ.റിബേറ്റ് ലഭിക്കും. ഖാദി ബോ ര്ഡിന്റെ കീഴില് പ്രവര്ത്തിക്കുന്ന കോട്ടമൈതാനം (എ സ് ഷോറൂം) ഖാദി ഗ്രാമ സൗഭാഗ്യ, പാലക്കാട് ടൗണ് ബസ് സ്റ്റാന്ഡ് കോംപ്ലക്സ്, തൃത്താല, കുമ്പിടി, കൊല്ലങ്കോട് എന്നിവിടങ്ങളിലുള്ള ഖാദി ഷോറൂമുകളിലും, മണ്ണൂര്, ശ്രീകൃഷ്ണപുരം, പട്ടഞ്ചേരി, കളപ്പെട്ടി, വിളയോടി, എലപ്പുള്ളി, കിഴക്കഞ്ചേരി, മലക്കുളം, ചിതലി എന്നീ ഗ്രാമ സൗഭാഗ്യകളിലും, മൊബൈല് സെയില്സ് വാനിലും പ്രത്യേക മേളകള് നടക്കും. മേളയുടെ ഭാഗമായി എല്ലാ വില്പ്പനശാലകളിലും ഖാദി കോട്ടന്, സില്ക്ക്, മനില ഷര്ട്ടിങ് എന്നീ തുണിത്തരങ്ങളും ഉന്ന കിടക്കകള്, തേന് മറ്റ് ഗ്രാമവ്യവസായ ഉല്പ്പന്നങ്ങള് എന്നിവയും ഒരുക്കിയിട്ടുണ്ട്. ഇലക്ട്രിക് കാര്, ഇലക്ട്രിക് സ്കൂട്ടര്, ഗിഫ്റ്റ് വൗച്ചറുകള് തുടങ്ങി സമ്മാന പദ്ധതികളും സര്ക്കാര് അര്ദ്ധ സര്ക്കാര് ജീവ നക്കാര്ക്ക് ഒരു ലക്ഷം രൂപ വരെ ക്രെഡിറ്റ് സൗകര്യവും ലഭിക്കുമെന്ന് പ്രൊജക്ട് ഓ ഫിസര് അറിയിച്ചു. ഖാദിമേള സെപ്റ്റംബര് നാല് വരെയായിരിക്കും ഉണ്ടായിരിക്കുക. ഫോണ്: 0491 2534392.
About the Author
