മണ്ണാര്ക്കാട് : പാലക്കാട് ജില്ലയില് വിവിധ പ്രദേശങ്ങളിലായി മഞ്ഞപിത്തരോഗം (ഹെ പ്പറ്റൈറ്റീസ് – എ ) റിപ്പോര്ട്ട് ചെയ്യപ്പെട്ട സാഹചര്യത്തില് ജനങ്ങള് ജാഗ്രത പാലിക്ക ണ മെന്ന് ജില്ലാ മെഡിക്കല് ഓഫിസര് അറിയിച്ചു.കരളിനെ ബാധിക്കുന്ന ഒരു രോഗമാണ്. ഹെപ്പറ്റൈറ്റീസ് – എ അഥവാ മഞ്ഞപ്പിത്തം. ഹെപ്പറ്റൈറ്റീസ് – എ വൈറസ് കാരണമാണ് മഞ്ഞപ്പിത്തം ഉണ്ടാകുന്നത്. ശരീരത്തില് വൈറസ് പ്രവര്ത്തിക്കുന്നത് മൂലം കരളിലെ കോശങ്ങള് നശിക്കുകയും കരളിന്റെ പ്രവര്ത്തനം തകരാറിലാവുകയും ചെയ്യുന്നു. ഇതിനാല് മഞ്ഞനിറത്തിലുളള ബിലിറൂബിന്റെ അംശം രക്തത്തില് കൂടുകയും മഞ്ഞ പ്പിത്ത ത്തിലേയ്ക്ക് നയിക്കുകയും ചെയ്യുന്നു.പനി, ക്ഷീണം, വിശപ്പില്ലായ്മ, വയറിളക്കം, മഞ്ഞ നിറത്തിലുളള മൂത്രം, ചര്മ്മത്തിലും കണ്ണിലും മഞ്ഞനിറം, എന്നിവയാണ് പ്രധാന ലക്ഷ ണങ്ങള്. രോഗബാധിതനായ ഒരാളുടെ മലം മൂലം മലിനമായ ജലത്തിലൂടെയും, ആഹാ രത്തിലൂടെയും, തുറന്ന് വച്ച ഭക്ഷണ പദാര്ത്ഥങ്ങളില് ഈച്ച വന്നിരുന്ന് മലിന മാക്കപ്പെട്ട് ആ ഭക്ഷണം കഴിക്കുന്നതിലൂടെയും, രോഗിയുമായി അടുത്ത സമ്പര്ക്കം പുലര് ത്തുന്നതിലൂടെയുമാണ് ഈ രോഗം പകരുന്നത്. ലക്ഷണങ്ങള് നോക്കി ലാബ് പരിശോധ നയിലൂടെയാണ് മഞ്ഞപ്പിത്തരോഗം സ്ഥിരീകരിക്കുന്നത്.
പ്രതിരോധമാര്ഗ്ഗങ്ങള്
- രോഗം സ്ഥിരീകരിച്ചയാള് / രോഗലക്ഷണങ്ങള് ഉളളവര് മറ്റുള്ളവരുമായി അടുത്തിടപഴകുന്നത് ഒഴിവാക്കുക. രോഗ പകര്ച്ച തടയുക
- രോഗബാധിതരായവര് ഭക്ഷണം പാകം ചെയ്യാതിരിക്കുക ,ഭക്ഷണം പങ്കു വയ്ക്കാതിരിക്കുക.
- വ്യക്തി ശുചിത്വം ശരിയായി പാലിക്കണം . നഖങ്ങള് വെട്ടി വൃത്തിയായി സൂക്ഷിക്കുക. ശൗചാലയത്തില് പോയ ശേഷം കൈകള് സോപ്പും വെള്ളവുമുപയോഗിച്ചു വൃത്തിയായി കഴുകി അണുവിമുക്തമാക്കുക
- രോഗി ഉപയോഗിച്ച പാത്രങ്ങള്, തുണി എന്നിവ മറ്റുളളവര് ഉപയോഗിക്കാതിരിക്കുക. ഇത്തരം വസ്തുക്കള് അണുനശീകരണം നടത്തിയതിനുശേഷം മാത്രം ഉപയോഗിക്കുക. രോഗി ഉപയോഗിച്ച കക്കൂസ് ബ്ലീച്ചിങ് സൊല്യൂഷന് (1 ലിറ്റര് വെള്ളത്തില് 30 ഗ്രാം കണക്കില്) ഒഴിച്ചു വൃത്തിയാക്കേണ്ടതാണ്.
- ഛര്ദ്ധി ഉണ്ടെങ്കില് ശൗചാലയത്തില് തന്നെ നിര്മ്മാര്ജ്ജനം ചെയ്യുക.
• കുട്ടികളുടെ മലം തുറസ്സായ സ്ഥലം, കുളിമുറി, വാഷ് ബെയിസിന് എന്നിവിടങ്ങളില് ഉപേക്ഷിക്കാതെ ശൗചാലയത്തില് മാത്രം സംസ്ക്കരിക്കുക.
• പൊതുസ്ഥലങ്ങളില് മലമൂത്ര വിസര്ജ്ജനം നടത്താതിരിക്കുക.
- മഞ്ഞപിത്തം റിപ്പോര്ട്ട് ചെയ്യപ്പെട്ട പ്രദേശത്ത് കുടിവെളള സ്രോതസ്സുകള് സൂപ്പര് ക്ലോറിനേറ്റ് ചെയ്യുക. (1000 ലിറ്റര് വെള്ളത്തിന് 5 ഗ്രാം ബ്ലീച്ചിംഗ് പൗഡര് എന്ന അനുപാതത്തില്).
- ഭക്ഷണം പാകം ചെയ്യുന്നതിനും കഴിക്കുന്നതിനു മുമ്പും മലമൂത്ര വിസര്ജ്ജനത്തിന് ശേഷവും കൈകള് സോപ്പുപയോഗിച്ച് 20 സെക്കന്റ് കഴുകി അണുവിമുക്തമാക്കുക.
- ഭക്ഷണ പദാര്ത്ഥങ്ങള് ഈച്ചയും മറ്റ് പ്രാണികളും കടക്കാത്ത വിധം മൂടിവെയ്ക്കുക.
- കുടിക്കാനും ഭക്ഷണം പാകം ചെയ്യാനും തിളപ്പിച്ചാറിയ വെള്ളം മാത്രം ഉപയോഗിക്കുക. തിളപ്പിച്ച വെള്ളത്തില് പച്ചവെള്ളം കലര്ത്തി ഉപയോഗിക്കാരുത്.
- മഞ്ഞപിത്തം മൂലമുളള പനി മാറുന്നതിനായി ഡോക്ടറുടെ നിര്ദ്ദേശമില്ലാതെ മരുന്നുകള് കഴിക്കാതിരിക്കുക.
- ലക്ഷണങ്ങള് ശ്രദ്ധയില്പെട്ടാല് ഉടന് ചികിത്സ തേടുക. സ്വയം ചികിത്സ അരുത്.
- പരിശോധനയും ചികിത്സയും എല്ലാ സര്ക്കാര് ആശുപത്രികളിലും സൗജന്യമായി ലഭ്യമാണ്. സര്ക്കാര് അംഗീകാരമില്ലാത്ത ചികിത്സാ കേന്ദ്രങ്ങളില് നിന്നോ ഒറ്റമൂലി ചികിത്സയോ സ്വീകരിക്കാതിരിക്കുക.
About the Author
