ചെര്‍പ്പുളശ്ശേരി: ചെര്‍പ്പുളശ്ശേരിയില്‍ കാറും ബൈക്കും കൂട്ടിയിടിച്ച് യുവാവ് മരിച്ചു.ഒപ്പമുണ്ടായിരുന്ന സുഹൃത്തിന് പരിക്കേറ്റു.തെങ്കര മണലടി ആട്ടാംപുള്ളി കാവുങ്ങല്‍ പരേതനായ വേണുഗോപാലി ന്റെ മകന്‍ നിവേദ് (26) ആണ് മരിച്ചത്.ആട്ടാംപുള്ളി സ്വദേശി ജിനു ജിത്തു വിനാണ് പരിക്കേറ്റത്.ഇന്ന് രാവിലെ 6.45 ഓടെ കാക്കാത്തോട് പാലത്തിന് സമീപത്ത് വെച്ചായിരുന്നു അപകടം.തൃപ്രയാറിലെ ഒരു സ്വകാര്യ സ്ഥാപനത്തില്‍ ജോലി ചെയ്യുന്ന ഇരുവരും ബൈക്കില്‍ നാട്ടിലേക്ക് വരികയായിരുന്നു.എളുമ്പുലാശ്ശേരിയില്‍ നിന്നും ചെര്‍പ്പുളശ്ശേരിയിലേക്ക് പോവുകയായിരുന്നു കാര്‍.അപകടത്തില്‍ പരിക്കേറ്റ ജിനുവിനെ പെരിന്തല്‍മണ്ണയിലെ സ്വകാര്യ ആശുപത്രി യില്‍ പ്രവേശിപ്പിച്ചു.ഇടിയുടെ ആഘാതത്തില്‍ ബൈക്കും കാറിന്റെ മുന്‍ ഭാഗവും തകര്‍ന്നു.