തിരൂര്: പ്രായപരിധിയില്ലാതെ സ്ത്രീകള്ക്ക് തിരൂര് തുഞ്ചത്തെഴുത്തച്ഛന് മലയാള സര്വകലാശാലയില് ബിരുദാനന്തര ബിരുദ കോഴ്സുകള് പഠിക്കാന് അവസരം. 35 വയസുവരെ പ്രായമായ പുരുഷന്മാര്ക്കും കോഴ്സുകളില് ചേരാം. ഈ വര്ഷം മുതലാണ് പ്രായഭേദമില്ലാതെ യോഗ്യരായ സ്ത്രീകള്ക്കും പുരുഷന്മാര്ക്കും പ്രവേശനം നല്കുന്നത്. 2025-26 അധ്യയന വര്ഷത്തിലേക്കുള്ള ബിരുദാനന്തര ബിരുദ പ്രവേശന ത്തിന് അപേക്ഷ ക്ഷണിച്ചതായി സര്വകലാശാല അധികൃതര് അറിയിച്ചു. എം.എ. ഭാഷാശാസ്ത്രം, എം.എ. മലയാളം (സംസ്കാര പൈതൃകം), എം.എ. ചരിത്രപഠനം, എം. എ.സാഹിത്യ പഠനം, എം.എ. സാഹിത്യരചന, എം.എ. സോഷ്യോളജി, എം.എ. ജേണ ലിസം ആന്ഡ് മാസ് കമ്മ്യൂണിക്കേഷന്, എം.എ. ചലച്ചിത്രപഠനം, എം.എ. വികസന പഠനവും തദ്ദേശവികസനവും, എം.എ. പരിസ്ഥിതി പഠനം, എം.എസ്.സി. പരിസ്ഥിതി പഠനം, എം.എ. താരതമ്യസാഹിത്യ വിവര്ത്തനപഠനം തുടങ്ങിയ കോഴ്സുകളിലേക്ക് ഈ മാസം 30 വരെ അപേക്ഷിക്കാം. തിരുവനന്തപുരം, എറണാകുളം, തിരൂര്, കോഴിക്കോട്, വയനാട് എന്നിവടങ്ങളിലാണ് പ്രവേശന പരീക്ഷാ കേന്ദ്രങ്ങളുള്ളത്. അപേക്ഷകരുടെ എണ്ണം കൂടുന്നപക്ഷം മറ്റുജില്ലകളിലും പരീക്ഷാ കേന്ദ്രങ്ങളുണ്ടാ കുമെന്ന് സര്വകലാശാല അധികൃതര് അറിയിച്ചു. കൂടുതല് വിവരങ്ങള്ക്ക്: 0494 2631230, 91880 23237, malayalamuniversity.edu.in, info@temu.ac.in
About the Author
