മലപ്പുറം : പെരിന്തല്‍മണ്ണയില്‍ സ്‌കൂള്‍ വിദ്യാര്‍ഥികള്‍ തമ്മിലുണ്ടായ സംഘര്‍ഷത്തില്‍ മൂന്ന് കുട്ടികള്‍ക്ക് കുത്തേറ്റു. പെരിന്തല്‍മണ്ണ താഴേക്കോട് പിടിഎം ഹയര്‍ സെക്കന്‍ഡറി സ്‌കൂളിലാണ് സംഭവം. എസ്.എസ്.എല്‍.സി. പരീക്ഷ കഴിഞ്ഞ് ഇറങ്ങിയ ശേഷം ഇന്് ഉച്ചയോടെയാണ് ഇംഗ്ലീഷ് മലയാളം മീഡിയം വിദ്യാര്‍ഥികള്‍ ഏറ്റുമുട്ടിയത്. കുട്ടികളുടെ തലയ്ക്കും കൈയ്ക്കുമാണ് പരിക്കേറ്റത്. രണ്ടുപേരെ മഞ്ചേരി മെഡിക്കല്‍ കോളജ് ആശുപത്രിയിലും ഒരാളെ പെരിന്തല്‍മണ്ണ ജില്ലാ ആശുപത്രിയിലും പ്രവേശിപ്പിച്ചു. സ്‌കൂളിലെ ഇംഗ്ലീഷ്, മലയാളം മീഡിയം വിദ്യാര്‍ഥികള്‍ക്കിടയില്‍ നേരത്തെ പ്രശ്‌നങ്ങ ള്‍ ഉണ്ടായിരുന്നു. ഇതില്‍ സസ്‌പെന്‍ഷന്‍ നേരിട്ട വിദ്യാര്‍ഥി വെള്ളിയാഴ്ച പരീക്ഷയെ ഴുതാന്‍ എത്തിയപ്പോഴാണ് സംഘര്‍ഷം ഉണ്ടായത്. നടപടിനേരിട്ട ഈവിദ്യാര്‍ഥി പരീക്ഷ എഴുതാന്‍ മാത്രമാണ് സ്‌കൂളില്‍ ഉണ്ടായിരുന്നത്. പരീക്ഷ കഴിഞ്ഞശേഷം മൂര്‍ച്ചയേറിയ വസ്തു ഉപയോഗിച്ച് ഈ വിദ്യാര്‍ഥി മൂന്ന് കുട്ടികളെ കുത്തിപരിക്കേല്‍പ്പിക്കുക യായിരു ന്നു. നേരത്തെ ആക്രമണസ്വഭാവം കാണിച്ചതിനാല്‍ പൊലിസ് ഈ വിദ്യാര്‍ഥിയെ താക്കീത് ചെയ്തതായും വിവരങ്ങളുണ്ട്.
