മണ്ണാര്‍ക്കാട് : മാലിന്യമുക്തം നവകേരളം പരിപാടിയുടെ ഭാഗമായി സംസ്ഥാനത്തെ ഓരോ തദ്ദേശസ്വയംഭരണ സ്ഥാപനങ്ങളിലേയും മാലിന്യ സംസ്‌കരണത്തിലെ മാതൃ കാ വീടുകളും സ്ഥാപനങ്ങളും കണ്ടെത്തി പുരസ്‌കാരം നല്‍കുന്നു.മികച്ച വാര്‍ഡ്, സ്ഥാപനം, റെസിഡന്റ്‌സ് അസോസിയേഷന്‍, ജനകീയ സംഘടന, വായനശാല, പൊതു ഇടം, അയല്‍ക്കൂട്ടം, ടൗണ്‍, വിദ്യാലയം തുടങ്ങിയവയ്ക്ക് വൃത്തിയുടേയും മാലിന്യസം സ്‌കരണ സംവിധാനങ്ങളുടേയും അടിസ്ഥാനത്തില്‍ പുരസ്‌കാരങ്ങള്‍ വിതരണം ചെ യ്യും. അന്താരാഷ്ട്ര സീറോ വേസ്റ്റ് ദിനമായ മാര്‍ച്ച് 30ന് തദ്ദേശ സ്വയംഭരണ സ്ഥാപനതല ത്തില്‍ നടക്കുന്ന ശുചിത്വ പ്രഖ്യാപനവേളയില്‍ പുരസ്‌കാരങ്ങള്‍ വിതരണം ചെയ്യും. വാര്‍ഡ് തലത്തില്‍ നടക്കുന്ന ശുചിത്വ പ്രഖ്യാപന സദസ്സുകളോടനുബന്ധിച്ച് മികച്ച പ്രവര്‍ത്തനം നടത്തിയ വീടുകള്‍, സ്ഥാപനങ്ങള്‍, വ്യക്തികള്‍, ജനകീയ സംഘടനകള്‍, പൊതു ഇടം എന്നിവ കണ്ടെത്തി അംഗീകാര പത്രം നല്‍കും. ഇതിന്റെ തുടര്‍ച്ചയായാ ണ് പഞ്ചായത്തുതലത്തില്‍ പുരസ്‌കാരങ്ങള്‍ പ്രഖ്യാപിക്കുക. ശുചിത്വ പ്രഖ്യാപനത്തി ന്റെ സ്മാരകമായി ഒരു സ്ഥലം കണ്ടെത്തി വേസ്റ്റ് ടു ആര്‍ട് വിഷയമാക്കി ഇന്‍സ്റ്റലേഷന്‍ സ്ഥാപിക്കാന്‍ നിര്‍ദേശിച്ചിട്ടുണ്ട്. വീടുകള്‍, വാര്‍ഡുകള്‍, സ്ഥാപനങ്ങള്‍ തുടങ്ങിയവ യ്ക്ക് പുരസ്‌കാരങ്ങള്‍ നല്‍കാന്‍ സ്വീകരിക്കേണ്ട മാനദണ്ഡങ്ങളും സര്‍ക്കാര്‍ പുറത്തി റക്കിയിട്ടുണ്ട്.
