മണ്ണാര്ക്കാട് : സംസ്ഥാന ഭാഗ്യക്കുറി വകുപ്പ് പുറത്തിറക്കിയ സമ്മര് ബമ്പര് ഭാഗ്യക്കുറി ടിക്കറ്റിന് മികച്ച പ്രതികരണം. 10 കോടി രൂപ ഒന്നാം സമ്മാനമായി നല്കുന്ന സമ്മര് ബമ്പര് (ബി ആര് 102) ആദ്യ ഘട്ടത്തില് 24 ലക്ഷം ടിക്കറ്റുകളാണ് വില്പനയ്ക്ക് എത്തി ച്ചത്. ഇതില് ഏകദേശം 19 ലക്ഷത്തോളം ടിക്കറ്റുകള് ഇതിനോടകം വിറ്റുപോയി.
250 രൂപ ടിക്കറ്റു വിലയുള്ള സമ്മര് ബമ്പര് ഇതിനോടകം ഏറ്റവും കൂടുതല് വിറ്റത് പാലക്കാട് ജില്ലയിലാണ്. 4,46,640 ടിക്കറ്റുകളാണ് പാലക്കാട് ജില്ലയില് വിറ്റു പോയത്. 2,09,020 ടിക്കറ്റുകള് വിറ്റ തൃശൂര് ജില്ല രണ്ടാമതും 1,96,660 ടിക്കറ്റുകള് വിറ്റ് തിരുവന ന്തപുരം ജില്ല മൂന്നാമതും എത്തി. രണ്ടാം സമ്മാനം എല്ലാ പരമ്പരകളിലുമായി 50 ലക്ഷം രൂപയും മൂന്നാം സമ്മാനം ഓരോ പരമ്പരയിലും രണ്ടു വീതം അഞ്ചു ലക്ഷം രൂപയും അവസാന അഞ്ചക്കത്തിന് ഒരു ലക്ഷം ലഭിക്കുന്ന നാലാം സമ്മാനം എന്നിങ്ങനെ ആകര്ഷകമായ സമ്മാന ഘടനയാണ് സമ്മര് ബമ്പറിന് ഏര്പ്പെടുത്തിയിട്ടുള്ളത്. കൂടാതെ 5,000 ല് തുടങ്ങി 500 രൂപയില് അവസാനിക്കുന്ന സമ്മാനങ്ങളുമുള്ള സമ്മര് ബമ്പര് ഭാഗ്യക്കുറി ഏപ്രില് രണ്ടിന് ഉച്ചതിരിഞ്ഞ് രണ്ടു മണിയ്ക്ക് നറുക്കെടുക്കും.
About the Author
