23 ദിവസത്തിനുള്ളില് 4 ലക്ഷത്തിലധികം പേര്ക്ക് കാന്സര് സ്ക്രീനിംഗ്
മണ്ണാര്ക്കാട് : കാന്സര് പ്രതിരോധത്തിനും ചികിത്സയ്ക്കുമായി സംസ്ഥാന ആരോഗ്യ വകുപ്പ് നടപ്പിലാക്കുന്ന ‘ആരോഗ്യം ആനന്ദം-അകറ്റാം അര്ബുദം’ ജനകീയ കാന്സര് പ്രതിരോധ കാംപെയിനില് പങ്കെടുത്ത് നാല് ലക്ഷത്തിലധികം (4,22,330) പേര് കാന്സര് സ്ക്രീനിംഗിന് വിധേയരായി. സംസ്ഥാനത്തെ 1,398 സര്ക്കാര് ആശുപത്രികളില് സ്ക്രീ നിംഗിനായുള്ള സംവിധാനങ്ങളൊരുക്കിയിട്ടുണ്ട്. സ്ക്രീന് ചെയ്തതില് 22,605 പേരെ കാ ന്സര് സംശയിച്ച് തുടര് പരിശോധനകള്ക്കായി റഫര് ചെയ്തു. ആശാ വര്ക്കര്മാര്, അങ്ക ണവാടി ജീവനക്കാര്, മാധ്യമ പ്രവര്ത്തകര്, സെക്രട്ടറിയേറ്റ് ജീവനക്കാര്, ടെക്നോപാര് ക്ക് ജീവനക്കാര് തുടങ്ങിയവര്ക്കായി പ്രത്യേക ക്യാമ്പുകളും സംഘടിപ്പിച്ചു. അതിലെ ല്ലാം ഭൂരിപക്ഷം ജീവനക്കാരും പങ്കെടുത്തു. തൊട്ടടുത്തുള്ള ആരോഗ്യ കേന്ദ്രങ്ങളിലെ ത്തിയാല് സ്ത്രീകള്ക്ക് കാന്സര് സ്ക്രീനിംഗ് നടത്താവുന്നതാണ്. എല്ലാ സ്ത്രീകളും സ്ക്രീനിംഗില് പങ്കെടുത്ത് കാന്സര് ഇല്ലായെന്ന് ഉറപ്പാക്കണമെന്നും ആരോഗ്യവകുപ്പ് മന്ത്രി വീണാ ജോര്ജ് അഭ്യര്ഥിച്ചു.
3,85,776 സ്ത്രീകള്ക്ക് സ്തനാര്ബുദം ഉണ്ടോയെന്നറിയാന് സ്ക്രീനിംഗ് നടത്തി. അതില് 12,450 പേരെ (3 ശതമാനം) സ്തനാര്ബുദം സംശയിച്ച് തുടര് പരിശോധനയ്ക്ക് റഫര് ചെയ്തു. 2,79,889 പേരെ ഗര്ഭാശയഗളാര്ബുദത്തിന് സ്ക്രീന് ചെയ്തതില് 10,772 പേരെ (4 ശതമാനം) തുടര് പരിശോധനയ്ക്കായും 2,14,118 പേരെ വായിലെ കാന്സറിന് സ്ക്രീന് ചെയ്തതില് 1,267 പേരെ (1 ശതമാനം) തുടര് പരിശോധനയ്ക്കായും റഫര് ചെയ്തു. ഈ കാംപെയിനി ലൂടെ നിലവില് 78 പേര്ക്ക് കാന്സര് സ്ഥിരീകരിച്ചിട്ടുണ്ട്. ഇവരില് ഭൂരിപക്ഷം പേരി ലും പ്രാരംഭഘട്ടത്തില് തന്നെ കാന്സര് കണ്ടുപിടിക്കാനായതിനാല് ചികിത്സിച്ച് വേഗം ഭേദമാക്കാന് സാധിക്കും.
കാംപെയിന്റെ ഭാഗമായി ഒരു വര്ഷം നീണ്ടുനില്ക്കുന്ന പ്രവര്ത്തനങ്ങളാണ് ആരോ ഗ്യ വകുപ്പ് ആസൂത്രണം ചെയ്തിട്ടുള്ളത്. അതിന്റെ ആദ്യഘട്ട കാംപെയിന് സ്ത്രീകള്ക്ക് വേണ്ടിയുള്ളതാണ്. സ്ത്രീകളെ പ്രധാനമായി ബാധിക്കുന്ന സ്തനാര്ബുദം, ഗര്ഭാശയഗള കാന്സര് എന്നിവയോടൊപ്പം മറ്റ് കാന്സറുകള്ക്കായും സ്ക്രീനിംഗ് നടത്തുന്നുണ്ട്. പരിശോധനയില് കാന്സര് സ്ഥിരീകരിക്കുന്നവര്ക്ക് ചികിത്സയും തുടര്പരിചരണവും ലഭ്യമാക്കും.
സര്ക്കാര്, സ്വകാര്യ, സഹകരണ മേഖലകള്, സന്നദ്ധ പ്രവര്ത്തകര്, സംഘടനകള്, പൊതുസമൂഹം തുടങ്ങി എല്ലാവരും സഹകരിച്ച് കൊണ്ടാണ് കാംപെയിന് സംഘടി പ്പിക്കുന്നത്. സ്വകാര്യ ആശുപത്രി, സ്വകാര്യ ലാബുകള് എന്നിവരും സഹകരിക്കു ന്നുണ്ട്. പല കാന്സറുകളും വളരെ നേരത്തെ കണ്ടെത്തി ചികിത്സിച്ചാല് ഭേദമാക്കാന് സാധിക്കും.
About the Author
