അലനല്ലൂര്: വട്ടമണ്ണപ്പുറം എ.എം.എല്.പി സ്കൂളിന്റെ നേതൃത്വത്തില് കോട്ടപ്പള്ള നാന്നാം പള്ളിയാലില് പഠനോത്സവം സംഘടിപ്പിച്ചു. പാഠ്യ-പാഠ്യാനുബന്ധ മേഖല കളുമായി ബന്ധപ്പെട്ട് വിദ്യാലയ പ്രവര്ത്തനങ്ങളിലെയും ക്ലാസുകളിലെ പഠനത്തി ന്റേയും മികവുകള് പൊതുസമൂഹവുമായി പങ്കുവെക്കാനും പൊതുവിദ്യാഭ്യാസ വകുപ്പ് നിര്ദ്ദേശിച്ചതിന്റെ അടിസ്ഥാനത്തിലാണ് പഠനോത്സവങ്ങള് സംഘടിപ്പിച്ചി രിക്കുന്നത്. പരിപാടി മുന് ബ്ലോക്ക് പഞ്ചായത്ത് പ്രസിഡന്റ് റഫീഖ പാറോക്കോട്ടില് ഉദ്ഘാടനം ചെയ്തു. പി.ടി.എ പ്രസിഡന്റ് എം.പി. നൗഷാദ് അധ്യക്ഷനായി. നാസര് കാപ്പുങ്ങല്, പി.പി ഉമ്മര്, മുസ്തഫ മാമ്പള്ളി, പ്രധാനാധ്യാപിക കെ.എം ഷാഹിന സലീം, സ്റ്റാഫ് കണ്വീനര് സി.മുഹമ്മദാലി, ഉമ്മര് പൂളക്കല്, പി മണികണ്ഠന്,അധ്യാപകരായ കെ മിന്നത്ത്, ടി. ഹബീബ, എം.പി മിനീഷ,കെ.പി ഫായിഖ് റോഷന് ,എം ഷബാന ഷിബില , ഐ. ബേബി സെല്വ, എന് ഷാഹിദ് സഫര്, പി നബീല് ഷാ, എ ദിലു ഹന്നാന്, പി ഫെമിന, എം അജ്ന ഷെറിന് എന്നിവര് തുടങ്ങിയവര് സംസാരിച്ചു. വരും ദിവസങ്ങളില് പടിക്കപ്പാടം, കുഞ്ഞുകുളം, പാലക്കുന്ന്, സ്രാമ്പിക്കല്ക്കുന്ന്, അണയം കോട്, ശങ്കരംപടി എന്നിവടങ്ങളില് പഠനോത്സവങ്ങള് നടത്തുമെന്ന് സ്കൂള് അധികൃതര് അറിയിച്ചു.