അലനല്ലൂര്‍ :എടത്തനാട്ടുകര ചളവ ഗവ.യു.പി സ്‌കൂളില്‍ ഒന്നാം ക്ലാസ് വിദ്യാര്‍ഥി കള്‍ക്കായി രചനോത്സവം നടത്തി. വിദ്യാര്‍ഥികളില്‍ സ്വതന്ത്രമായി എഴുതാനുള്ള ശേഷിവര്‍ധിപ്പിക്കുക, ഭാഷാശേഷി, സര്‍ഗാത്മക കഴിവുകള്‍ വികസിപ്പിക്കുകയെന്ന ലക്ഷ്യത്തോടെയാണ് രചനോത്സവം സംഘടിപ്പിച്ചത്. അധ്യാപികയും കവയത്രിയുമായ ഊര്‍മ്മിള ഉദ്ഘാടനം ചെയ്തു. പി.ടി.എ. പ്രസിഡന്റ് ഷമീര്‍ അധ്യക്ഷനായി. പ്രധാന അധ്യാപകന്‍ അബ്ബാസലി മാസ്റ്റര്‍, സീനിയര്‍ അസിസ്റ്റന്റ് പി.ആര്‍ ഷീജ, അധ്യാപകരായ സിന്ധു, ഫസീല എന്നിവര്‍ സംസാരിച്ചു.
