മണ്ണാര്‍ക്കാട്: എം.എല്‍.എ നടപ്പാക്കുന്ന ഫ്‌ലെയിം വിദ്യാഭ്യാസ ശാക്തീകരണ പദ്ധതിയു ടെ ഭാഗമായി മണ്ണാര്‍ക്കാട് നിയോജകമണ്ഡലത്തില്‍ നിന്നും നാഷണല്‍ മീന്‍സ് കം മെ റിറ്റ് സ്‌കോളര്‍ഷിപ്പ് പരീക്ഷയെഴുതുന്ന വിദ്യാര്‍ഥികള്‍ക്കായി മെഗാ മാതൃകാ പരീക്ഷ നടത്തി. എന്‍.ഷംസുദ്ദീന്‍ എം.എല്‍.എ ഉദ്ഘാടനം ചെയ്തു. ഡിസംബര്‍ 9ന് നടക്കുന്ന എന്‍. എം.എം.എസ് പരീക്ഷയെ ശുഭാപ്തി വിശ്വാസത്തോടെ അഭിമുഖീകരിക്കുന്നതിനും മുന്‍ വര്‍ഷങ്ങളില്‍ മണ്ഡലത്തിലെ കുട്ടികള്‍ കൈവരിച്ചനേട്ടം ആവര്‍ത്തിക്കുന്നതിനും ചിട്ടയോടെയുള്ള പരിശീലനവും മാതൃകാ പരീക്ഷയും ഏറെ ഫലപ്രദമാകുമെന്ന് അദ്ദേ ഹം അഭിപ്രായപ്പെട്ടു. മണ്ണാര്‍ക്കാട് എം.ഇ.എസ് ഹയര്‍ സെക്കന്ററി സ്‌കൂളില്‍ നടന്ന പരീക്ഷയില്‍ നാനൂറില്‍പരം വിദ്യാര്‍ഥികള്‍ പങ്കെടുത്തു. ഫ്‌ലെയിം പദ്ധതിയുടെ കീഴില്‍ എന്‍സ്‌കൂളിന്റെ സഹകരണത്തോടെ നടത്തിവരുന്ന സമഗ്ര പരിശീലനത്തി ന്റെ തുടര്‍ച്ചയായാണ് മാതൃകാ പരീക്ഷ സംഘടിപ്പിച്ചത്. ഫ്‌ലെയിം കോര്‍ ഗ്രൂപ്പ് ചെയ ര്‍മാന്‍ ഹമീദ് കൊമ്പത്ത് അധ്യക്ഷനായി. എം.ഇ.എസ്.എച്ച്.എസ് പ്രധാനാധ്യാപിക കെ. അയിഷാബി, ഫ്‌ലെയിം കോര്‍ ഗ്രൂപ്പ് കണ്‍വീനര്‍ സിദ്ദീഖ് പാറോക്കോട്, സലീം നാലക ത്ത്, എന്‍സ്‌കൂള്‍ കോ-ഓര്‍ഡിനേറ്റര്‍ ബിനീഷ് തേങ്കുറുശ്ശി, എം.സുഫ്‌യാന്‍, ജസാര്‍ പാപ്പാട്ട് തുടങ്ങിയവര്‍ പങ്കെടുത്തു.
