മണ്ണാര്‍ക്കാട്: കുമരംപുത്തൂര്‍ കല്ലടി ഹയര്‍ സെക്കന്‍ഡറി സ്‌കൂളില്‍ നടക്കുന്ന മണ്ണാ ര്‍ക്കാട് ഉപജില്ല സ്‌കൂള്‍ കലോത്സവത്തിന്റെ ഉദ്ഘാടനം സിനിമ സംവിധായകനും അസിസ്റ്റന്റ് കമ്മീഷണറുമായ എ.എം. സിദ്ദിഖ് നിര്‍വഹിച്ചു. ഉപജില്ല വിദ്യഭ്യാസ ഓ ഫീസര്‍ സി. അബൂബക്കര്‍ അധ്യക്ഷനായി. സാഹിത്യകാരന്‍ കെ.പി.എസ് പയ്യനെടം, ജനറല്‍ കണ്‍വീനര്‍ എം. ഷഫീഖ് റഹ്മാന്‍, എസ്.ആര്‍ ഹബീബുള്ള, ബിജു അമ്പാടി, സിദ്ദീഖ് പാറോക്കോട്, വി. മനോജ്കുമാര്‍, എന്‍.കെ മിനിമോള്‍, പി.കെ ജാഫര്‍ ബാബു, അക്കാദമിക് കൗണ്‍സില്‍ അംഗങ്ങള്‍, അധ്യാപക സംഘടനാ പ്രതിനിധികള്‍ തുടങ്ങി യവര്‍ പങ്കെടുത്തു. 63 അധ്യാപകര്‍ അവതരിപ്പിച്ച സ്വാഗതഗാനത്തോടെയാണ് ഉദ്ഘാ ടന ചടങ്ങ് ആരംഭിച്ചത്. കല്ലടി ഹയര്‍ സെക്കന്‍ഡറി സ്‌കൂളിലെ 14 വേദികളിലാണ് മത്സരങ്ങള്‍ അരങ്ങേറുന്നത്. ജനറല്‍ കലോത്സവത്തോടൊപ്പം അറബിക്, സംസ്‌കൃതം, ഉര്‍ദു കലോത്സവങ്ങളും നടക്കുന്നു.321 ഇനങ്ങളിലായി ഏഴായിരത്തോളം പ്രതിഭകള്‍ മാറ്റുരയ്ക്കുന്ന ഉപജില്ലാ കലോത്സവം ആറിന് സമാപിക്കും.
