അലനല്ലൂര്‍ : 38വര്‍ഷത്തിന് ശേഷം എടത്തനാട്ടുകര ഗവ.ഓറിയന്റല്‍ ഹൈസ്‌കൂളിലെ പൂര്‍വവിദ്യാര്‍ഥികള്‍ ഒത്തുചേര്‍ന്നു. 1985-86 ബാച്ചിലെ പത്താംക്ലാസ് വിദ്യാര്‍ഥികളാണ് ഒത്തുകൂടല്‍ 2കെ24 എന്നപേരില്‍ സംഗമം സംഘടിപ്പിച്ചത്. എണ്‍പതിലേറെ പേര്‍ പങ്കെ ടുത്തു. സ്‌കൂള്‍ ഓഡിറ്റോറിയത്തില്‍ നടന്ന പൂര്‍വവിദ്യാര്‍ഥി സംഗമം ബാച്ച് അംഗവും നിലവിലെ സ്‌കൂള്‍ പ്രധാന അധ്യാപകനുമായ പി. റഹ്മത്ത് ഉദ്ഘാടനം ചെയ്തു. സി. കുഞ്ഞയമ്മു അധ്യക്ഷനായി. എ.പി ഇല്യാസ്, കെ.യൂനസ് സലീം, അബ്ദുള്‍ കരീം, സി. അബ്ദുല്‍ ഗഫൂര്‍, അലി മറ്റത്തൂര്‍ എന്നിവര്‍ സംസാരിച്ചു. ടി.കെ അബ്ദുല്‍ ഹമീദ്, സി. ഇന്ദിര, വി.ടി സക്കീര്‍, കെ.ടി ഇസ്മായില്‍, മുനീറ, ഷീല, മേഴ്‌സി, മുഹമ്മദാലി, പി. സൗജ ത്ത് തുടങ്ങിയവര്‍ സംസാരിച്ചു. വിവിധ കലാപരിപാടികളും നടന്നു.
