മണ്ണാര്‍ക്കാട്: നെല്ലിപ്പുഴ ദാറുന്നജാത്ത് ഹയര്‍ സെക്കന്‍ഡറി സ്‌കൂള്‍ സ്‌കൗട്ട്‌സ് ആന്‍ഡ് ഗൈഡ്‌സ് യൂണിറ്റിന്റെ നേതൃത്വത്തില്‍ വയനാട്ടിലെ ദുരിത ബാധിതരെ സഹായി ക്കാന്‍ ”സേവ് വയനാട് വണ്‍ ഡേ ചലഞ്ച് ”എന്ന പേരില്‍ ഒരു ദിവസം വിദ്യാലയങ്ങളില്‍ നിന്നും പൊതു സമൂഹത്തില്‍ നിന്നും തുക സമാഹരിച്ച് മുഖ്യമന്ത്രിയുടെ ദുരിതാശ്വാ സ നിധിയിലേക്ക് നല്‍കുന്നതിനായി ധനസമാഹരണം നടത്തി. വളണ്ടിയര്‍മാര്‍ 22,500 രൂപ സമാഹരിച്ചു.പ്രിന്‍സിപ്പല്‍ കെ മുഹമ്മദ് കാസിം, സ്‌കൗട്ട് ആന്‍ഡ് ഗൈഡ് ജില്ലാ സെക്രട്ടറി എം.അബ്ദുല്‍ നസീറിന് തുക കൈമറി. സ്‌കൗട്ട് മാസ്റ്റര്‍ എ. ഹസനുല്‍ ബന്ന, ഗൈഡ് ക്യാപ്റ്റന്‍ എം വിനീത, കെ.എച്ച് ഫഹദ്, പി. മുഹമ്മദാലി, ലീഡര്‍മാരായ പി. സിത്താര, സി.ആര്‍ അരുണിമ, കെ ആയിഷ റിഫ, എന്‍.പി മുഹമ്മദ് നാഫിഹ്,എസ് അഭിഷേക് എന്നിവര്‍ പങ്കെടുത്തു.
