മണ്ണാര്‍ക്കാട്: എം.ഇ.എസ് കല്ലടി കോളജില്‍ പുതുതായി നിര്‍മ്മിച്ച വിദ്യാര്‍ഥികള്‍ക്കുള്ള ബൈക്ക് പാര്‍ക്കിങ് ഏരിയയുടെ ഉദ്ഘാടനം മാനേജ്‌മെന്റ് കമ്മിറ്റി ചെയര്‍മാന്‍ കെ. സി.കെ സയ്യിദ് അലി നിര്‍വഹിച്ചു. 80 ബൈക്കുകള്‍ക്ക് ഒരേസമയം പാര്‍ക്ക് ചെയ്യാനുള്ള സൗകര്യമുള്ള പുതിയ പാര്‍ക്കിങ് ഏരിയ കോളജ് പി.ട.ിഎയാണ് നിര്‍മ്മിച്ചിട്ടുള്ളത്. കോളജ് പ്രിന്‍സിപ്പല്‍ ഡോ.സി രാജേഷ് അധ്യക്ഷനായി. പി.ടി.എ വൈസ് പ്രസിഡന്റ് ബഷീര്‍ ചോലക്കല്‍, സുബ്രഹ്മണ്യന്‍.ഇ, വിദ്യാര്‍ഥി യൂണിയന്‍ സെക്രട്ടറി നവാഫ് തുടങ്ങിയവര്‍ സംബന്ധിച്ചു. പി.ടി.എ സെക്രട്ടറി സെയ്തലവി പി. സ്വാഗതവും ട്രഷറര്‍ അബ്ദുല്‍ മുനീര്‍.എ നന്ദിയും പറഞ്ഞു.
