മണ്ണാര്‍ക്കാട്: യുവാവിനെ കുളത്തില്‍ മരിച്ച നിലയില്‍ കണ്ടെത്തി. തെങ്കര മണലടി പൂവക്കോടന്‍ ലിയാക്കത്തലി (43) ആണ് മരിച്ചത്. തിങ്കളാഴ്ച വൈകുന്നേരം ഏഴ് മുതല്‍ ഇയാളെ കാണാതായിരുന്നതായി ബന്ധുക്കള്‍ പറയുന്നു. തുടര്‍ന്ന് പൊലിസില്‍ പരാതി നല്‍കി. അന്വേഷണത്തിനിടെ ഇന്ന് വീടിനു സമീപമുള്ള കുളത്തില്‍ മരിച്ച നിലയില്‍ കണ്ടെത്തുകയായിരുന്നു. മണ്ണാര്‍ക്കാട് പൊലിസ് സ്ഥലത്തെത്തി തുടര്‍നടപടികള്‍ സ്വീകരിച്ചു. ജില്ലാ ആശുപത്രിയില്‍ പോസ്റ്റുമാര്‍ട്ടത്തിന് ശേഷം മൃതദേഹം മണലടി ജുമാമസ്ജിദ് ഖബര്‍സ്ഥാനില്‍ ഖബറടക്കി. പിതാവ്: അബ്ദു. മാതാവ്: ആസിയ. ഭാര്യ: സുഹൈമ. മക്കള്‍: ഫൈഹ ഫാത്തിമ, മുഹമ്മദ് ഫലാഹ്, മുഹമ്മദ് ഹൈസിന്‍.
