മണ്ണാര്‍ക്കാട് : കേരള സ്റ്റേറ്റ് സര്‍വീസ് പെന്‍ഷനേഴ്‌സ് യൂണിയന്‍ മണ്ണാര്‍ക്കാട് യൂണിറ്റ് കണ്‍വെന്‍ഷന്‍ എഴുത്തുകാരന്‍ മനോജ് വീട്ടിക്കാട് ഉദ്ഘാടനം ചെയ്തു. യൂണിറ്റ് പ്രസി ഡന്റ് സി.രാമചന്ദ്രന്‍ അധ്യക്ഷനായി. ബ്ലോക്ക് ജോയിന്റ് സെക്രട്ടറി ടി.എസ്.രവീന്ദ്രന്‍, വൈസ് പ്രസിഡന്റ് കെ.എ.വത്സല, ജില്ലാ കൗണ്‍സിലര്‍ എ.വി.ചിന്നമ്മ, ബ്ലോക്ക് കൗണ്‍ സിലര്‍ വി.ആമിന എന്നിവര്‍ നവാഗതരെ ഷാള്‍ അണിയിച്ച് സ്വീകരിച്ചു. ജില്ലാ കമ്മിറ്റി അംഗം കെ.മോഹന്‍ദാസ് സംഘടന റിപ്പോര്‍ട്ട് അവതരിപ്പിച്ചു. എസ്.എസ്.എല്‍.സി, പ്ലസ്ടു പരീക്ഷകളില്‍ സമ്പൂര്‍ണ എപ്ലസ് നേടിയ വിദ്യാര്‍ഥികളെ ആദരിച്ചു. ബ്ലോക്ക് സെക്രട്ടറി എം.വി.കൃഷ്ണന്‍കുട്ടി, ജോയിന്റ് സെക്രട്ടറി പി.എ.ഹസ്സന്‍ മുഹമ്മദ്, യൂണിറ്റ് സെക്രട്ടറി എം.ചന്ദ്രദാസന്‍, ട്രഷറര്‍ ടി.സദാനന്ദന്‍, വൈസ് പ്രസിഡന്റ് ആര്‍.ചാമുണ്ണി, പത്മജ, സൂസമ്മ, അംബികാദേവി, പങ്കജാക്ഷി എന്നിവര്‍ സംസാരിച്ചു.
