മണ്ണാര്‍ക്കാട്: റോഡില്‍നിന്നും കളഞ്ഞുകിട്ടിയ സ്വര്‍ണാഭരണം യാത്രക്കാരന് ട്രാഫിക് പൊലിസിനെ ഏല്‍പ്പിച്ചു. ഇന്ന്‌ വൈകിട്ട് ബസ് സ്റ്റാന്‍ഡിനുസമീപത്തെ വസ്ത്രാല യത്തിനു മുന്നില്‍നിന്നാണ് ഒന്നേമുക്കാല്‍ തൂക്കംവരുന്ന സ്വര്‍ണാഭരണം യാത്രക്കാരന് കിട്ടിയത്. ഇദ്ദേഹം ബസ് സ്റ്റാന്‍ഡ് പരിസരത്ത് ഡ്യൂട്ടിയിലുണ്ടായിരുന്ന പൊലിസ് ഉദ്യോഗസ്ഥനെ ഏല്‍പ്പിക്കുകയായിരുന്നു. ആഭരണം ട്രാഫിക് പൊലിസ് സ്റ്റേഷനില്‍ സൂക്ഷിച്ചിട്ടുണ്ട്. ഉടമ തെളിവുസഹിതം ഹാജരാകണമെന്ന് ട്രാഫിക് യൂണിറ്റ് എസ്.ഐ. വി. ജയന്‍ അറിയിച്ചു.
