അലനല്ലൂര്‍ : ലോക പരിസ്ഥിതി ദിനാചരണത്തോടനുബന്ധിച്ച് സഹകരണ വകുപ്പ് നടപ്പാക്കുന്ന ഹരിതം സഹകരണം പദ്ധതിയുടെ ഭാഗമായി അലനല്ലൂര്‍ സര്‍വീസ് സഹകരണ ബാങ്കിന്റെ നേതൃത്വത്തില്‍ പഞ്ചായത്തിലെ വിവിധ സ്‌കൂളുകളില്‍ പ്ലാവിന്‍ തൈ നട്ടു. അലനല്ലൂര്‍ ഗവ.വൊക്കേഷണല്‍ ഹയര്‍ സെക്കന്‍ഡറി സ്‌കൂളിലും അല്‍ഫിത്രാഹ് ഇസ്‌ലാമിക് പ്രീസ്‌കൂളിലും നടന്ന ചടങ്ങ് ബാങ്ക് പ്രസിഡന്റ് പി.പി. കെ.അബ്ദുറഹ്മാന്‍ ഉദ്ഘാടനം ചെയ്തു. വൈസ് പ്രസിഡന്റ് അബ്ദുള്ള മാസ്റ്റര്‍, സെക്രട്ടറി പി.ശ്രീനിവാസന്‍, ഡയറക്ടര്‍മാരായ ഉസ്മാന്‍, രാജകൃഷ്ണന്‍, ഷെറീന മുജീബ്, പ്രധാന അധ്യാപകരായ സുജിത്ത്, ലിസി, റൗസീന, പി.ടി.എ. ഭാര വാഹികളായ മുഹമ്മദ് സക്കീര്‍, സുരേഷ്‌കുമാര്‍, സമീര്‍ ബാബു, ഷാജഹാന്‍ ഉമാന്‍, കെ.പി.മുഹമ്മദ്, റഫീക്ക്, നിയാന്‍, രാജഗോപാലന്‍ മാസ്റ്റര്‍, സുനിത, എന്‍.എസ്.എസ്. യൂണിറ്റ് അംഗങ്ങള്‍ എന്നിവര്‍ പങ്കെടുത്തു.
