മണ്ണാര്‍ക്കാട് : ബില്‍ഡിങ് ഓണേഴ്സ് സംസ്ഥാന സമിതി യോഗം ശനിയാഴ്ച രാവിലെ 10 മണിക്ക് മണ്ണാര്‍ക്കാട് അല്‍ഫായിദ കണ്‍വെന്‍ഷന്‍ സെന്ററില്‍ നടക്കും. സംസ്ഥാനത്ത് കെട്ടിട ഉടമകള്‍ നേരിടുന്ന പ്രശ്നങ്ങളും പ്രതിസന്ധികളും പരിഹരിക്കുന്നതിനുമുള്ള മാര്‍ഗങ്ങള്‍ ആരായുന്നതിനും ജില്ലാ-യൂനിറ്റ് തലങ്ങളില്‍ സംഘടനാസംവിധാനം ശാ ക്തീകരിക്കുന്നതിനുമായാണ് യോഗം ചേരുന്നതെന്ന് ഭാരവാഹികള്‍ അറിയിച്ചു. നഗര സഭാ ചെയര്‍മാന്‍ സി.മുഹമ്മദ് ബഷീര്‍ ഉദ്ഘാടനം ചെയ്യും. സംസ്ഥാന പ്രസിഡന്റ് യു.എ.ലത്തീഫ് എം.എല്‍.എ അധ്യക്ഷനാകും. ജനറല്‍ സെക്രട്ടറി പി.ഹസ്സന്‍ ഹാജി, വര്‍ക്കിങ് പ്രസിഡന്റ് അച്ചമ്പാട്ട് ബീരാന്‍കുട്ടി, വിവിധ രാഷ്ട്രീയ കക്ഷി പ്രതിനിധി കളായ ടി.ആര്‍.സെബാസ്റ്റ്യന്‍, അസീസ് ഭീമനാട്, റഷീദ് ആലായന്‍, എ.കെ.അബ്ദുല്‍ അസീസ്, ബി.മനോജ്, ബി.ഒ.എ സംസ്ഥാന, ജില്ലാ ഭാരവാഹികള്‍ പങ്കെടുക്കും.
