മണ്ണാര്‍ക്കാട്: തുടര്‍ച്ചയായി പത്താം തവണയും എസ്.എസ്.എല്‍.സി പരീക്ഷയില്‍ നൂറുശതമാനം വിജയം നിലനിര്‍ത്തി മണ്ണാര്‍ക്കാട് എം.ഇ.എസ്.ഹയര്‍ സെക്കന്‍ഡറി സ്‌കൂള്‍. 789 വിദ്യാര്‍ഥികള്‍ പരീക്ഷ എഴുതിയതില്‍ മുഴുവന്‍ വിദ്യാര്‍ഥികളെയും വിജയിപ്പിക്കാനായി. 96 വിദ്യാര്‍ഥികള്‍ സമ്പൂര്‍ണ്ണ എ പ്ലസ് നേടി. മണ്ണാര്‍ക്കാട് വിദ്യാഭ്യാസ ജില്ലയില്‍ ഏറ്റവും കൂടുതല്‍ വിദ്യാര്‍ഥികളെ പരീക്ഷക്ക് ഇരുത്തിയ വിദ്യാലയം കൂടിയാണിത്. ജനുവരിയില്‍ തുടങ്ങിയ റിവിഷന്‍ ക്ലാസ്സുകളും അവധി ദിവസങ്ങളിലെ അധിക സമയ ക്ലാസുകളും അതിരാവിലെയും രാത്രിയുമായി നടത്തിയ പ്രത്യേക പഠന ക്യാംപുകളും മികച്ചവിജയം നേടാന്‍ സഹായിച്ചതായി മാനേജ്‌മെന്റും അധ്യാപരും പി.ടി.എയും വിലയിരുത്തി.
