മണ്ണാര്‍ക്കാട്: സി.പി.ഐ. ജില്ലാ കൗണ്‍സിലിന്റെ നേതൃത്വത്തില്‍ ശനിയാഴ്ച നടക്കുന്ന സെമിനാര്‍ സംസ്ഥാന സെക്രട്ടറി ബിനോയ് വിശ്വം ഉദ്ഘാടനം ചെയ്യും. ‘ കടന്നാക്രമി ക്കപ്പെടുന്ന പാര്‍ലമെന്ററി വ്യവസ്ഥ, രാഷ്ട്രീയചട്ടുകമാവുന്ന ഗവര്‍ണര്‍മാര്‍ ‘ എന്ന വിഷയത്തെ ആസ്പദമാക്കിയാണ് സെമിനാര്‍. ഉച്ചകഴിഞ്ഞ് മൂന്നിന് മണ്ണാര്‍ക്കാട് റൂറല്‍ ബാങ്ക് ഹാളിലാണ് പരിപാടി. ഡോ. കെ.ടി. ജലീല്‍ എം.എല്‍.എ., കെ.പി.സി.സി. വൈസ് പ്രസിഡന്റ് വി.ടി. ബല്‍റാം എന്നിവര്‍ പങ്കെടുക്കും. സംഘാടകസമിതിയോഗം ജില്ലാ സെക്രട്ടറി കെ.പി. സുരേഷ് രാജ് ഉദ്ഘാടനം ചെയ്തു. ജില്ല അസി. സെക്രട്ടറി പൊറ്റശ്ശേരി മണികണ്ഠന്‍, മണ്ഡലം സെക്രട്ടറി എ.കെ. അബ്ദുള്‍ അസീസ്, എടേരം രവി, നൗഷാദ്, കെ.രവികുമാര്‍ എന്നിവര്‍ സംസാരിച്ചു.
