അലനല്ലൂര്‍ : എം.എസ്.എഫ് എടത്തനാട്ടുകര മേഖല കമ്മിറ്റി സംഘടിപ്പിക്കുന്ന പരീക്ഷ മാര്‍ഗനിര്‍ദ്ദേശക ബോധവത്ക്കരണ ക്ലാസിന്റെ ‘റെഡി ടു എക്‌സാം’ ലോഗോ പ്രകാശനം ചെയ്തു. ശനിയാഴ്ച്ച രാവിലെ 9:30 മുതല്‍ കോട്ടപ്പള്ളയിലെ സിറ സൂപ്പര്‍ സ്റ്റോറിന് എതിര്‍വശമുള്ള ഓഡിറ്റോറിയത്തിലാണ് ബോധവത്ക രണ ക്ലാസ് സംഘടിപ്പിച്ചിരിക്കുന്നത്. മുസ് ലിം ലീഗ് സംസ്ഥാന സെക്രട്ടറി അഡ്വ.എന്‍.ഷംസുദ്ദീന്‍ എം.എല്‍.എ ലോഗോ പ്രകശനം നിര്‍വഹിച്ചു. എം.എസ്.എഫ് നിയോജക മണ്ഡലം സെക്രട്ടറി നിജാസ് ഒതുക്കുംപ്പുറത്ത്, മേഖല പ്രസിഡന്റ് അഫ്‌സല്‍ കൊറ്റരായില്‍, ഭാരവാഹികളായ സി.ഉമ്മറുല്‍ ഫായിസ്, പി.കെ മുഹമ്മദ് ഹനാന്‍, സി.ഫാസില്‍, അനീസ് കാപ്പില്‍ എന്നിവര്‍ സംബന്ധിച്ചു. ശനിയാഴ്ച്ച നടക്കുന്ന ബോധവല്‍ക്കരണ ക്ലാസ് മുസ് ലിം ലീഗ് ജില്ല പ്രസിഡന്റ് കളത്തില്‍ അബ്ദുല്ല ഉദ്ഘാടനം ചെയ്യും. എം.എസ്.എഫ് ജില്ലാ ട്രഷററും മോട്ടിവേഷന്‍ സ്പീക്കറുമായ ബിലാല്‍ മുഹമ്മദ് ക്ലാസ് നയിക്കും.