മണ്ണാര്‍ക്കാട്: പാലക്കാട് രൂപതയുടെ കീഴിലുള്ള പീപ്പിള്‍ സര്‍വ്വീസ് സൊസൈറ്റിയുടെ നേതൃത്വത്തില്‍ ചെറുകിട സംരഭകത്വ വികസന പദ്ധതിയുടെ ഭാഗമായി പെരിമ്പടാരി ഹോളി സ്പിരിറ്റ് ഫെറോന ചര്‍ച്ച് പാരിഷ് ഹാളില്‍ തൊഴില്‍ പരിശീലന പരിപാടി ആരം ഭിച്ചു. ജില്ലാ പഞ്ചായത്ത് മെമ്പര്‍ ഗഫൂര്‍ കോല്‍കളത്തില്‍ ഉദ്ഘാടനം ചെയ്തു. പീപ്പിള്‍ സര്‍വ്വീസ് സൊസൈറ്റി എക്‌സിക്യുട്ടീവ് സെക്രട്ടറി ഫാ.ജസ്റ്റിന്‍ കോലങ്കണ്ണി അധ്യ ക്ഷനായി. ഹോളി സ്പിരിറ്റ് വികാരി ഫാ.രാജു പുലിക്കത്താഴ് മുഖ്യ പ്രഭാഷണം നടത്തി. നഗരസഭാ കൗണ്‍സിലര്‍ മാസിതാ സത്താര്‍ ,ജോയ് അറക്കല്‍, ബോബി, രാഗി രാജന്‍, മോന്‍സി, ബാങ്ക് പ്രതിനിധികളായ ചന്ദ്രന്‍ ,റോണി എന്നിവര്‍ പങ്കെടുത്തു.
