ശ്രീകൃഷ്ണപുരം: തിരുവാഴിയോട് സ്വകര്യ ട്രാവല്‍സിന്റെ ബസ് മറിഞ്ഞു.രണ്ട് പേര്‍ മരിച്ചതായി ഒറ്റപ്പാലം എം.എല്‍എ പ്രേംകുമാര്‍ അറിയിച്ചു. ചെന്നൈയില്‍ നിന്നും കോഴിക്കോട്ടേയ്ക്ക് പോവുകയായിരുന്ന കല്ലട ട്രാവല്‍സിന്റെ ബസാണ് അപകടത്തി ല്‍പെട്ടത്. ഇന്ന് രാവിലെ 7.45നായിരുന്നു അപകടം. നിരവധി പേര്‍ക്ക് പരിക്കേറ്റു. പരിക്കേറ്റ രണ്ട് പേരുടെ നില ഗുരുതരമാണെന്നാണ് സൂചന. ജീവനക്കാര്‍ ഉള്‍പ്പടെ 38 പേരാണ് ബസില്‍ ഉണ്ടായിരുന്നത്. ഒരു പുരുഷനും സ്ത്രീയുമാണ് മരിച്ചത്. മരിച്ച പുരുഷന്‍ ഡ്രൈവറാണെന്നാണ് സൂചന. കാര്‍ഷിക വികസന ബാങ്കിന്റെ മുമ്പിലാണ് അപകടമുണ്ടായത്. ഇറക്കത്തില്‍ നിയന്ത്രണം വിട്ട് ബസ് മറിയുകയായിരുന്നുവെന്നാണ് വിവരം. ക്രെയിനിന്റെ സഹായത്തോടെ ബസ് ഉയര്‍ത്തി.