മണ്ണാര്‍ക്കാട്: വിദ്യാര്‍ഥികള്‍ക്ക് വില്‍ക്കാനായി എത്തിച്ച കഞ്ചാവ് പൊതികളുമായി മൂന്നു യുവാക്കള്‍ മണ്ണാര്‍ക്കാട് പോലീസിന്റെ പിടിയിലായി.പെരിങ്ങോട് പാറശ്ശേരി ബിന്ദുനിവാസില്‍ മകന്‍ ഷിബില്‍ (21), കാരാകുര്‍ശി വാഴേമ്പുറം പ്ലാവിന്‍ന്തോള വളപ്പില്‍ വീട്ടില്‍ ഫവാസ് (21), കാഞ്ഞിരം പൂഞ്ചോല മുട്ടത്തറ വീട്ടില്‍ ജിത്തു ആന്റോ (21) എന്നിവരാണ് അറസ്റ്റിലായത്.ചൊവ്വാഴ്ച വൈകു ന്നേരം 3.30ന് കുന്തിപ്പുഴ ഭാഗത്ത് ഭാഗത്ത് വെച്ചാണ് മൂവരും പിടിയിലായത് ബാഗുമായി സംശയാസ്പദമായ നിലയില്‍ നില്‍ക്കുന്ന യുവാക്കളെ എസ്‌ഐ സുനില്‍കുമാറിന്റെ നേതൃത്വത്തില്‍ ചോദ്യം ചെയ്തപ്പോഴാണ് ബാഗില്‍ കഞ്ചാവ് കണ്ടെത്തിയത്. ചെറിയ പൊതികളിലാക്കിയാണ് കഞ്ചാവ് സൂക്ഷിച്ചിരുന്നത്. ഒരാഴ്ചമുമ്പ് നെല്ലിപ്പുഴ ഭാഗത്ത് വാഹനപരിശോധനയ്ക്കിടെ അഞ്ചുകിലോ കഞ്ചാവ് പോലീസ് പിടികൂടിയിരുന്നു.
