കോട്ടോപ്പാടം :കാണാമറയത്തെ ആവശ്യക്കാരന് കരുതലോടെ ജീവന്റെ ഒരു തുള്ളി നല്‍കി കുണ്ട്‌ലക്കാട് കൈത്താങ്ങ് കൂട്ടായ്മ പ്രവര്‍ത്തകരുടെ മാതൃക.പെരിന്തല്‍മണ്ണ ബ്ലഡ് ബാങ്കിലേക്കാണ് കൂട്ടായ്മയിലെ എട്ടോളം വരുന്ന പ്രവര്‍ത്തകര്‍ രക്തം ദാനം ചെയ്തത്.പെരിന്തല്‍മണ്ണ ബ്ലഡ് ബാങ്കില്‍ രക്തത്തിന് ക്ഷാമമുണ്ടെന്നറിഞ്ഞാണ് യുവാക്കള്‍ രക്തം ദാനം ചെയ്തത്.കൂട്ടായ്മ ജനറല്‍ സെക്രട്ടറി ഉമ്മര്‍ ഒറ്റകത്തിന്റെ നേതൃത്വത്തിലായിരുന്നു രക്തദാനം.