മണ്ണാര്‍ക്കാട്: യുവാവിനെ ഒരു സംഘം വീട്ടില്‍ അതിക്രമിച്ച് കയറി വെട്ടിപരിക്കേ ല്‍പ്പിച്ചു.കണ്ടമംഗലം കോല്‍ക്കാട്ടില്‍ വീട്ടില്‍ നൗഷാദി (38)നാണ് വെട്ടേറ്റത്. കഴിഞ്ഞ ദിവസം രാത്രി ഒമ്പതര മണിയോടെയായിരുന്നു സംഭവം.കണ്ടമംഗലം സ്വദേശികളായ ഹംസ,ഷിഹാബ്,ഷഫീക്ക് എന്നിവരാണ് ആക്രമിച്ചതെന്ന് നൗഷാദ് പൊലീസിനോട് പറഞ്ഞു.നൗഷാദിന്റെ തലയ്ക്കാണ് വെട്ടേറ്റത്.എട്ട് തുന്നലോള മുണ്ട്.മുന്‍ വൈരാ ഗ്യമാണ് ആക്രമണത്തിന് പിന്നിലെന്ന് പൊലീസ് പറയുന്നു. സുഹൃത്തുക്കളായ ഇവര്‍ തമ്മില്‍ മുമ്പും പ്രശ്‌നങ്ങള്‍ ഉണ്ടായിട്ടുണ്ടത്രേ .പെരിന്ത ല്‍മണ്ണയില്‍ വെച്ച് നടന്ന പ്രശ്‌നം അടുത്തിടെ ഒത്ത് തീര്‍പ്പിലായിരുന്നു. ഇതിനി ടെയാണ് ശനിയാഴ്ച രാത്രിയില്‍ നൗഷാദ് ആക്രമിക്കപ്പെട്ടത്.പരിക്കേറ്റ ഇയാള്‍ വട്ടമ്പലം മദര്‍കെയര്‍ ആശുപത്രിയില്‍ ചികിത്സ തേടി.പൊലീസ് അന്വേഷണം തുടങ്ങി.
