മണ്ണാര്‍ക്കാട് : എം ഇ എസ് കല്ലടി കോളേജില്‍ വച്ച് നടന്ന കാലിക്കറ്റ് യൂണിവേഴ്‌സിറ്റി സീ സോണ്‍ ക്രിക്കറ്റ് കിരീടം കല്ലടി കോളേജ് നിലനിര്‍ത്തി.നിശ്ചിത 40 ഓവറില്‍ കല്ലടി കോളേജ് ഉയര്‍ത്തിയ 265 എന്ന വിജയലക്ഷ്യം ഗവണ്‍മെന്റ് വിക്ടോറിയ കോളേജിനു അപ്രാപ്യമായിരുന്നു. വിക്ടോറിയ കോളേജ് വെറും 55 റണ്‍സിനു കൂടാരം കയറി. കല്ല ടി കോളേജിനു വേണ്ടി കാമില്‍ അബൂബക്കര്‍ 83 റണ്‍സും മഷൂദ് 39 റണ്‍സും സനദ് 28 റണ്‍സും നേടി മികച്ച പ്രകടനം കാഴ്ച്ച വെച്ചു.സച്ചിന്‍ മുരുഗന്‍ 4 വിക്കറ്റും ആദില്‍ ഷാ അസ്‌കര്‍ എന്നിവര്‍ രണ്ടു വിക്കറ്റും നേടി. കല്ലടി കോളേജ് പ്രിന്‍സിപ്പല്‍ ഇന്‍ചാര്‍ജ് ഗോപാലകൃഷ്ണന്‍ സമ്മാനദാനം നിര്‍വഹിച്ചു.പി ടി എ സെക്രട്ടറി പ്രൊ.ശിഹാബ് എ എം,പിടിഎ എക്‌സിക്യൂട്ടീവ് അംഗം കാസിം ആലായന്‍ പ്രൊ.സലീജ് കെ ടി തുടങ്ങി യവര്‍ സംബന്ധിച്ചു.
