മണ്ണാര്‍ക്കാട് :വില്‍പ്പനക്കായി കൈവശം വെച്ചിരുന്ന ആറ് കിലോ യിലധികം കഞ്ചാവുമായി യുവാവിനെ മണ്ണാര്‍ക്കാട് പോലീസ് അറസ്റ്റ് ചെയ്തു.തെങ്കര കോല്‍പ്പാടം ചെട്ടിപ്പള്ളിയാലില്‍ അഖില്‍ (27) ആണ് പിടിയിലായത്.കഴിഞ്ഞ രാത്രി പതിനൊന്ന് മണിയോടെ നെല്ലിപ്പുഴയില്‍ നിന്നാണ് യുവാവ് പിടിയിലായത്.പ്രതിയില്‍ നിന്നും 6.260 ഗ്രാം കഞ്ചാവ് കണ്ടെടുത്തു. സി. ഐ. എം. കെ. സജീവിന് ലഭിച്ച രഹസ്യ വിവരത്തിന്റെ അടിസ്ഥാനത്തില്‍ എസ് ഐ സുനില്‍, സി പി ഒ മാരായ വിജയമണി, പ്രിന്‍സ്, ഷാഫി, സഹദ്, ഷൗക്കത്ത് എന്നിവരടങ്ങുന്ന സംഘമാണ് കഞ്ചാവ് പിടികൂടിയത്.
