ലോകകപ്പ് സെല്‍ഫി കൗണ്ടര്‍ ഉദ്ഘാടനം നാളെ
മണ്ണാര്‍ക്കാട്: കാല്‍പ്പന്തുകളിയുടെ ലോക മാമാങ്കത്തിലേക്ക് ഇനി ദിവസങ്ങള്‍ മാത്രം ബാക്കി നില്‍ക്കെ നാടെങ്ങും പടരുന്ന കളിയാ വേശത്തിന് കരുത്തേകാന്‍ മണ്ണാര്‍ക്കാട് റൂറല്‍ സര്‍വീസ് സഹകര ണ ബാങ്കും.ലോകകപ്പ് സെല്‍ഫി കൗണ്ടര്‍,പ്രവചന മത്സരം എന്നിവ യൊരുക്കിയാണ് ലോകകപ്പിന്റെ ആവേശത്തിലേക്ക് റൂറല്‍ ബാങ്കും അണിചേരുന്നത്.ലോക കപ്പ് സെല്‍ഫി കൗണ്ടര്‍ തിങ്കളാഴ്ച രാവിലെ 9 മണിക്ക് കെടിഡിസി ചെയര്‍മാന്‍ പി കെ ശശി ഉദ്ഘാട നം ചെയ്യുമെന്ന് ബാങ്ക് സെക്രട്ടറി എം.പുരുഷോത്തമന്‍ അറിയിച്ചു.
മണ്ണാര്‍ക്കാട് നടമാളിക റോഡില്‍ ബാങ്കിന്റെ ഹെഡ്ഡ് ഓഫീസിലെ പാര്‍ക്കിംഗ് ഏരിയയിലാണ് സെല്‍ഫി കൗണ്ടര്‍ ഒരുക്കുന്നത്.ഇവിടെ നാലടിയോളം വലിപ്പമുള്ള ലോകകപ്പിന്റെ മാതൃകയുണ്ട്. ബാങ്കി ലെത്തുന്നവര്‍ക്ക് ലോക കപ്പിന്റെ മാതൃകയ്‌ക്കൊപ്പം സെല്‍ഫി യെടുക്കാം.പ്രവചന കൂപ്പണ്‍ പൂരിപ്പിച്ച് നല്‍കി പ്രവചന മത്സര ത്തിലും പങ്കാളികളാകാം.
സെമി ലൈന്‍ അപ്പ്,ഫൈനല്‍ ലൈന്‍ അപ്പ്,വിന്നേഴ്‌സ്,റണ്ണേഴ്‌സ് അപ്പ് തുടങ്ങി നാല് ടീമിനേയും ശരിയായി പ്രവചിക്കുന്നവര്‍ക്ക് 10000 രൂപയാണ് സമ്മാനം.സെമി ലൈന്‍ അപ്പ്,ഫൈനല്‍ ലൈന്‍ അപ്പ് ശരിയായി പ്രവചിക്കുന്നവര്‍ക്ക് 5000 രൂപാ വീതം സമ്മാനം ലഭിക്കും.മത്സരത്തില്‍ പങ്കെടുക്കാനാഗ്രഹിക്കുന്നവര്‍ക്ക് നവംബര്‍ 30 വരെ സെല്‍ഫി കൗണ്ടറിലെത്തി പ്രവചന കൂപ്പണ്‍ പൂരിപ്പിച്ച് നല്‍കാം.ഒന്നില്‍ കൂടുതല്‍ ശരിയുത്തരം വരികയാണെങ്കില്‍ നറു ക്കെടുപ്പിലൂടെയായിരിക്കും വിജയിയെ നിശ്ചയിക്കുകയെന്ന് സെക്രട്ടറി അറിയിച്ചു.
