അനല്ലൂര്‍: മുജാഹിദ് സംസ്ഥാന സമ്മേളനത്തിന്റെ ഭാഗമായി കെ എന്‍എം എടത്തനാട്ടുകര നോര്‍ത്ത് മണ്ഡലം സംഘടിപ്പിച്ച സര്‍ഗ മേളയില്‍ ഉപ്പുകുളം നൂറുല്‍ ഹിദായ മദ്രസ 488 പോയിന്റോടെ ഓവറോള്‍ ചാമ്പ്യന്മാരായി.477 പോയിന്റുമായി മദ്‌റസതുല്‍ മുജാഹിദീന്‍ വെള്ളിയഞ്ചേരി രണ്ടാം സ്ഥാനവും, 426 പോയി ന്റുമായി ദാറുസ്സലാം വട്ടമണ്ണപ്പുറം മൂന്നാം സ്ഥാനവും കരസ്ഥമാ ക്കി. കിഡ്‌സ് വിഭാഗത്തില്‍ സഹ്വ ( ദാറുസ്സലാം ) ചില്‍ഡ്രെന്‍സ് വിഭാഗത്തില്‍ മിന്‍ഹ ( കാപ്പുപറമ്പ് ) സബ് ജൂനിയര്‍ വിഭാഗത്തില്‍ ഖദീജ സന്‍ഹ ( ദാറുസ്സലാം ) , ജൂനിയര്‍ ബോയ്‌സില്‍ അദീബ് ( വെള്ളിയഞ്ചേരി ) ജൂനിയര്‍ ഗേള്‍സില്‍ ഫാത്തിമ ഫിദ ( ദാറുസ്സലാം ) സീനിയര്‍ ബോയ്‌സില്‍ മിഷാല്‍ ( വെള്ളിയഞ്ചേരി ) , ഗേള്‍സില്‍ ദാനിയ ( ഉപ്പുകുളം ) തുടങ്ങിവര്‍ വ്യക്തിഗത ചാമ്പ്യന്‍ഷിപ്പിന് അര്‍ഹരായി.
കോട്ടപ്പള്ള ദാറുസ്സലാം മദ്രസയിലാണ് സര്‍ഗമേള നടന്നത്.11 മദ്രസ കളില്‍ നിന്നുള്ള 450 ഓളം വിദ്യാര്‍ത്ഥികള്‍ 75 ഇനങ്ങളില്‍ പങ്കെടു ത്തു.എന്‍ ഷംസുദ്ദീന്‍ എംഎല്‍എ ഉദ്ഘാടനം ചെയ്തു.കെഎന്‍എം എടത്തനാട്ടുകര നോര്‍ത്ത് മണ്ഡലം പ്രസിഡന്റ് കാപ്പില്‍ മൂസ ഹാജി അധ്യക്ഷത വഹിച്ചു.സെക്രട്ടറി പിപി സുബൈര്‍ മാസ്റ്റര്‍, എടത്തനാട്ടുകര നോര്‍ത്ത് മണ്ഡലം മദ്‌റസ കോംപ്ലക്‌സ് സെക്രട്ടറി അമീര്‍ സ്വലാഹി,പ്രസിഡന്റ് ഉസ്മാന്‍ മാസ്റ്റര്‍,വിദ്യാഭ്യാസ ബോര്‍ഡ് മെമ്പര്‍ ഉസ്മാന്‍ മിശ്കാത്തി,ഐഎസ്എം ജില്ലാ സെക്രട്ടറി അക്ബര്‍ അലി സ്വലാഹി, സര്‍ഗമേള കണ്‍വീനര്‍ അബ്ദു റഊഫ് സ്വലാഹി, ദാറുന്നസലാം ജുമാ മസ്ജിദ് സെക്രട്ടറി പാറോക്കോട് അബൂബക്കര്‍ മാസ്റ്റര്‍ അലനല്ലൂര്‍ പഞ്ചായത്ത് സ്ഥിരം സമിതി അധ്യക്ഷന്‍ അലി മഠത്തൊടി,പഞ്ചായത്ത് മെമ്പര്‍ അക്ബര്‍ അലി പാറോക്കോട് എന്നി വര്‍ സംസാരിച്ചു.എപി കുഞ്ഞു മുഹമ്മദ് മാസ്റ്റര്‍ , കെഎന്‍എം മണ്ഡ ലം ജോയിന്‍ സെക്രട്ടറി കാപ്പില്‍ നാസര്‍,ഐഎസ്എം മണ്ഡലം പ്ര സിഡന്റ് വി.സി ഷൗക്കത്ത് അലി, ഐഎസ്എം മണ്ഡലം ട്രഷറര്‍ മാടാമ്പാറ ഷറഫുദ്ദീന്‍,വെളുത്തേടത്ത് ഹംസ, പാറക്കല്‍ ഷൗക്കത്ത് എന്നിവര്‍ സമ്മാന ദാനം നിര്‍വ്വഹിച്ചു.
