കോട്ടോപ്പാടം:കോട്ടയത്ത് നടന്ന സംസ്ഥാന സ്‌പെഷ്യല്‍ സ്‌കൂള്‍ കലോത്സവത്തില്‍ മികച്ച നേട്ടം കൈവരിച്ച കെ.മുഹമ്മദ് അഫ് ലഹിനെ കൊമ്പം എന്റെ നാട് വാട്ട്‌സ്ആപ്പ് കൂട്ടായ്മയുടെ നേതൃത്വ ത്തില്‍ അനുമോദിച്ചു.എ ഗ്രേഡോടെ എച്ച്.എസ്.വിഭാഗം മാപ്പിളപ്പാട്ട് മത്സരത്തില്‍ ഒന്നാം സ്ഥാനവും കഥാപ്രസംഗം, ഉപകരണ സംഗീതം ഇനങ്ങളില്‍ മൂന്നാം സ്ഥാനവുമാണ് അഫ് ലഹിന് ലഭിച്ചത്.കൂട്ടായ്മ രക്ഷാധികാരി പി.ടി.സിദ്ദീഖ് അധ്യക്ഷനായി.റിട്ടയേര്‍ഡ് ഹെഡ്മാസ്റ്റ ര്‍ സി.ഹംസ മാസ്റ്റര്‍ ഉപഹാര സമര്‍പ്പണം നടത്തി.ഹമീദ് കൊമ്പത്ത്, ടി.പി.അഫ്‌സല്‍, കെ.പി.ഷഫീഖലി,കുന്നത്ത് മുസ്തഫ,അഷ്‌റഫ് കൊമ്പത്ത്, എ.മുഹമ്മദ് ഉനൈസ്,കെ.എച്ച്.ഫഹദ്, അക്കര ഹമീദ്, കെ.അനീസ്,പി.മുഹമ്മദലി,കെ.മുഹമ്മദ്,എന്‍.യൂസഫ്, കെ.ഇസ്ഹാ ഖ് സംബന്ധിച്ചു.തോട്ടര കെ.എച്ച്. എസ്.എസ്സിലെ പത്താം ക്ലാസ് വിദ്യാര്‍ത്ഥിയായ അഫ് ലഹ് മുന്‍വര്‍ഷങ്ങളിലും സംസ്ഥാന തല കലാ, കായിക മത്സരങ്ങളില്‍ വിജയിയായിരുന്നു.സ്വകാര്യ ബസ് ജീവനക്കാരനായ കെ.മുജീബ് റഹ്മാന്റെയും ഫാത്തിമയുടെയും മകനാണ്.
