കോട്ടോപ്പാടം: ഗ്രാമ പഞ്ചായത്ത്, വാര്‍ഡ് ആരോഗ്യ ശുചിത്വ സമി തി, ഐ.സി.ഡി.എസ് എന്നിവയുടെ സംയുക്താഭിമുഖ്യത്തില്‍ മാ റുന്ന ലോകത്ത് മുതിര്‍ന്നവരുടെ അതിജീവനം എന്ന ഐക്യരാഷ്ട്ര സഭയുടെ സന്ദേശത്തില്‍ ലോക വയോജ ദിനം ആചരിച്ചു. അഡ്വ. എന്‍ ഷംസുദ്ദീന്‍ എം.എല്‍.എ ഉദ്ഘാടനം ചെയ്തു. ആര്യമ്പാവ് ജി. എം.എല്‍.പി സ്‌കൂളില്‍ നടന്ന പരിപാടിയില്‍ ഗ്രാമപഞ്ചായത്ത് പ്രസിഡന്റ് അക്കര ജസീന അധ്യക്ഷത വഹിച്ചു. ചടങ്ങില്‍ മുതിര്‍ ന്ന പൗരന്മാരെ എം.എല്‍.എ പൊന്നാട അണിയിച്ച് ആദരിച്ചു. അരിയൂര്‍ ബാങ്ക് പ്രസിഡന്റ് അഡ്വ. ടി.എ സിദ്ദീഖ്, ഗ്രാമപഞ്ചായത്ത് സ്ഥിരം സമിതി ചെയര്‍മാന്‍മാരായ പാറയില്‍ മുഹമ്മദാലി, റജീന കോഴിശ്ശേരി, മെമ്പര്‍ റുബീന ചോലക്കല്‍, എം. അവറ, പി.മൊയ്തീന്‍, ഐ.സി. ഡി.എസ് സൂപ്പര്‍വൈസര്‍ വിജയലക്ഷ്മി.പി, കെ ജി ബാബു മാസ്റ്റര്‍, പ്രധാനാധ്യാപിക എസ്. ലക്ഷ്മി കുട്ടി, ജൂനിയര്‍ ഹെല്‍ത്ത് ഇന്‍സ്‌പെക്ടര്‍ വിനോദ്.പി, ജെ.പി.എച്ച.എന്‍ മിനി ചാക്കൊ സംബന്ധിച്ചു.
