മണ്ണാര്‍ക്കാട് : ജില്ലാ പഞ്ചായത്ത് തെങ്കര ഡിവിഷനില്‍ ജില്ലാ പഞ്ചാ യത്ത് മെമ്പര്‍ ഗഫൂര്‍ കോല്‍കളത്തിലിന്റെ നേതൃത്വത്തില്‍ എസ് സി കോളനികളെ പ്രകാശിതമാക്കുന്ന ‘ഗ്രാമ വെളിച്ചം’ പദ്ധതിക്ക് തുടക്കമായി.ജില്ലാ പഞ്ചായത്തിന്റെ 2021-22 വാര്‍ഷിക പദ്ധതിയി ല്‍ ഡിവിഷനിലെ 16 കോളനികളിലാണ് ഒന്നാം ഘട്ടത്തില്‍ മിനി മാസ്റ്റ് ലൈറ്റുകള്‍ സ്ഥാപിക്കുന്നത്.കുമരംപുത്തൂര്‍ പഞ്ചായത്ത് 15-ാം വാര്‍ഡിലെ പുന്നപ്പാടം കോളനിയില്‍ സ്ഥാപിച്ച മിനിമാസ്റ്റ് ലൈറ്റ് സ്വിച്ച് ഓണ്‍ ചെയ്ത് എന്‍.ഷംസുദ്ദീന്‍ എം എല്‍ എ ഉദ്ഘാടനം ചെയ്തു. ജില്ലാ പഞ്ചായത്ത് മെമ്പര്‍ ഗഫൂര്‍ കോല്‍കളത്തില്‍ അധ്യക്ഷനായി. ഗ്രാമ പഞ്ചായത്ത് പ്രസിഡന്റ് കെ കെ ലക്ഷ്മിക്കുട്ടി മുഖ്യാതിഥിയാ യിരുന്നു.വാര്‍ഡ് മെമ്പര്‍ സഹദ് അരിയൂര്‍, വിവിധ രാഷ്ട്രീയ പാര്‍ട്ടി നേതാക്കളായ പി മുഹമ്മദലി അന്‍സാരി,തോമസ് മാസ്റ്റര്‍,അസീസ് പച്ചീരി,നൗഷാദ് വെള്ളപ്പാടം ,പി കെ അബ്ദുല്‍ ഹമീദ്,കെ സി മൊ യ്തുപ്പു,ഇല്ല്യാസ് പൂരമണ്ണില്‍,സാദിഖ് ,രാമന്‍ പുന്നപ്പാടത്,വേലായു ധന്‍,കൃഷ്ണന്‍ എന്നിവര്‍ സംസാരിച്ചു.
